問大家一個簡單問題：今年係幾年？相信唔駛３秒時間就可以答得出今年係「2019年」，呢個亦係世界上絕大部人會給出既第一個答案；

 

然後曆法並非只有一種，少部份國家有自己慣用既曆法，所以今年除左係公元2019年（西曆/新曆/公曆），仲可以係：

 

民國108年 主體曆108年 佛曆2562年

 

而我地都喜愛既日本慣常使用既係「年號」，年號並非永久不變，而係隨著天皇登基（即位）、駕崩（崩御）變化，現代每位天皇只會有一個元號，是為「一世一元」。

(Source：Elena Gurzhiy / flickr）

至於今年（2019年）對於日本黎講非常特別，皆因「平成」將會於2019年終結。今上天皇明仁會於2019年4月30日退位，翌日（2019年5月1日）現任皇太子德仁將於2019年5月1日繼任成為第126任天皇。

年號與一世一元

使用元號紀年並非日本所創，而係來自中國既文化習俗。年號始自西漢時期，日本則承襲於7世紀後期。我地讀中史時學到既康熙、雍正、同治等其實均為清朝既年號。 一世一元是指一代皇帝只會有一個年號，過去有「改元」即同一個皇帝在位期間因為重大事件而更改元號。日本自1868年明治天皇登基以降採用「一世一元製」，自此每任天皇由即位至駕崩只會使用一個年號；平成之前為昭和，再往前則係大正及明治。 5月1日德仁即位後即會啟用新年號「令和」，而新年號將會一直使用至德仁駕崩或生前退位為止。

年號怎樣決定？

年號代表日本的新時代、代表新天皇，不過決定年號的其實不是天皇本人，而是由首相請學者提出數個候補方案，然後經內閣閣議、國會首長討論決定，天皇在決定年號既過程是係「冇say」既 …… 年號均引自古代中國經典，如平成出自《史記》、《書經》，取「內平外成」和「地平天成」之意；決定年號時有6大規矩如下：

 

▪符合日本國民的期待 ▪兩個漢字 ▪寫法簡易 ▪讀音簡易 ▪過往沒有在日本國內、外用過的組合 ▪不是世俗流通使用的組合

除了成文的6大規則外，也有不成文規定，日本文書依然慣用和曆，除了日語正寫外有時候會使用英文簡寫，明治（M）、大正（T）、昭和（S）、平成（H）字母各異。有說31年前在「平成」、「修文」（しゅうぶん / S）、「正化」（せいか / S）中只有平成不跟前幾個年號重疊，因而決定使用平成。

 

（有看過《圖書館戰爭》嗎？故事中的架空世界正是「正化」時代）

新年號懸而未缺的影響

要響日本生活，你必須得用2套曆法。對外國人黎講公曆唔難，但和曆要記住並不容易。即使香港人認得漢字但要記得自己係平成X年、昭和X年出世已經好唔容易；

對日本社會黎講每一日都要用到和曆，例如填寫表格、文書時可能只能選和曆唔可以用公曆，使用既日曆、記事簿等都會印有和曆年份。過去新元號是天皇駕崩後公布，倉促改元是情非得已，然而今上天皇明仁是生前退位，由考慮到決定到準備歷時年多兩年，點解踏入2019年都依然未公布年號？

 

諗到諗到日本政府內部最高層早就著手準備，最初打算4月11日公布，後來提早至4月1日，即使早1個月公布新年號，對唔少企業黎講依然時間不足，不論係印刷品定電腦系統，要確保改元順利都唔係易事。日本社會上反對提早公布既聲音亦唔弱，佢地認為提早公布等於同時有兩個元號存在，會造成皇權不清既問題。

新皇篤定5月1日即位，新年號將於4月1日揭盅，過去用得最多既單字有「永」、「元」、「天」、「治」等等，過去只用過一次既單字有「乾」、「吉」、「齊」「祥」等字，唔知道新年號又會係咩？

---

下載粹日本App，網羅更多日本資訊 iOS Android