新年期間日本人會響屋企擺放「鏡餅」，鏡餅本身係麻糬，除左供奉神明之外確實可以食用。 而將鏡餅整成料理就係所謂既「開鏡」（鏡開き），每年1月11日準時進行。

 

開鏡習慣最初來自日本武家，如果用刀切開的話會聯想到切腹非常唔吉利；所以日本人會用手或者木槌分開麻糬，而唔會用刀類。

 

 

另外「分開」響日本中原本該用「割る」呢一個詞，但係「割」同樣唔好意頭，所以用「開く」黎指代。就如同通勝原本應該「通書」一樣。

 

 

日本國內唔少文化習俗都有分開關東/關西，開鏡同樣不例外： 關東地區會將鏡餅放置至1月7日，開鏡於1月11日進行； 關西地區則會放置到1月15日，開鏡會於15日或20日進行。

 

 

香港人家庭自然唔會響新年放舊麻糬響屋企，不過大愛日本既各位可以試下1月11日時食下用麻糬製作既料理。好似上圖既お汁粉（Oshiruko）就係冬日暖身好甜品~

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格