2019年新年快樂！祝大家身體健康、財源廣進 ...... 明明唔係農曆年點解要講意頭話？皆因日本全面用西曆，根本唔過舊曆/農曆新年，小編依家唔講無機會講XD。

 

提起農曆新年，大家都應該知道農曆正月初七係人日，咁岩日本人響（西曆）新年1月7日亦有一個獨特習慣，就係 ......食粥！

1月7日要吃「七草粥」

食七草粥既習俗古已有之，有說係讓腸胃得到滋養，亦有說法係可以帶來福氣趕走邪氣。

七草粥所使用既七種蔬菜/香草有：

 

水芹（せり）、薺菜（なずな）、鼠麴草（ごぎょう）、繁縷（はこべら）、 稻槎菜（ほとけのざ）、蕪菁（すずな）、蘿蔔（すずしろ）

據說呢個習慣最初源自中國，於平安時期傳入日本，現時中國一些地區依有保留類似既習俗。

七草粥通常係響屋企整同屋企人食，所以外面既餐廳就較難搵到。想自製七草粥的話日本超市會有便利既「七草套裝」發售，唔需要麻麻煩煩自己散買；

亦外亦有更方便既「乾燥七草」，放落白粥後就食得~~

---

下載粹日本App，網羅更多日本資訊 iOS Android