已經返過鄉下無數次既大家，是咪以為東京值得去既地方你已經玩齊？ 「雜司谷」（雑司ヶ谷）你聽過未？
雜司谷響邊度？
雜司谷就響池袋隔離，池袋部落車後行過去都無問題。 同遊客眾多相當擠迫既池袋唔同，雜司谷係一個住宅區。小編直接搭東京METRO到副都心線雜司谷站，1號出口處有一面壁畫，貓咪問你「是咪散緊步？」
Of Course！
直行會去到一個十字路口。此處駛過既係都電荒川線既電車，櫻花季節時坐荒川線可以飽覽不同地方既櫻花靚景。
經過十字路口後就會去到鬼子母神大門欅並木街道，呢度係東京都政府指定既天然紀念物黎架！
每年10月16日至18日會舉行稱為「お会式」既傳統儀式。儀式情景就在下面影片。
欅並木街道上既「キアズマ珈琲」係當地有名既CAFE，外觀平實帶點懷舊風格。
呢一間CAFE對上一次係於昭和前期進行翻新，仲會不時出現響影視作品裡面。
熱咖啡及芝士熱狗，做輕食早餐又得，下午茶又得。除左熱狗外亦有提供蛋糕。
キアズマ珈琲
飲完咖啡繼續散步。鬼子母神神社以安產及育兒聞名，至今有約600年歷史。
神社內既鳥居相當有名係影相熱點，是咪有D似京都既伏見稻荷大社呢？東京都內其實有好幾個地方有著類似既鳥居陣，想影更多靚相就要睇呢度！
售賣小食糖果既小店「上川口屋」。
體驗一下日本人日常生活、當地風味既機會就響呢度！
上川口屋
對面有一間售賣傳統糰子既店鋪，行左咁耐係時候食D野醫醫肚！
再行一陣就可以去到「旅貓雜貨店」！雖然店名有貓，但商品並不單得貓，佢地搜集日本各地手工藝品出售，鍾意手工商品的話唔好錯過！
粹日本為旅貓雜貨店寫左一篇詳細文章，想知道有咩好買既就要睇呢度！
響雜司谷不時可以見到貓咪散步，期待同貓貓見面！
下載粹日本App，網羅更多日本資訊 iOS Android
