東京都雜司谷（雑司が谷）有唔少吸引既雜貨店、Cafe、書店等，今次粹日本就想為你推介呢一間「旅貓雜貨店」，店名雖然有個貓字 ......
其實並唔係一間貓精品專門店，而係搜羅左日本各地雜貨、小物、玩具既雜貨店。
日本出產既雜貨精品往往俾人一種價錢昂貴既感覺，響旅貓雜貨店可以俾你同合理價錢買到唔同既雜貨小物、傳統工藝品。
究竟有咩咁吸引？
人氣之選紙氣球！貓咪紙氣球個樣雖然有少少扭曲，但依然不減其可愛，輕漂漂既紙氣球要飛無難度！
有多種唔同款式選擇你鍾意架啦！
提到日本同貓就當然係「招財貓」！ 響旅貓雜貨店除左可以搵到最一般、最正宗既招財貓外，仲有各種特色版本。例如攬住達磨既招財貓、
雙子招財貓等等。
招財貓手機繩做手信岩岩好。
招財既可以唔係貓，亦可以係浣熊！
印著可愛貓咪圖案既便籤。
傳統日式風格筆記簿。每一個圖案都有一種動物原型，各有各含意，你又會買邊一款？
和風明信片大量不同選擇，買番一張特別既明信片，再加一個風景印就perfect！
日本東北地區傳統人偶木芥子紙夾。
鍾意木芥子？除左紙夾仲有襪子、信封、牙籤筒等。
日本手信另一必買當然係筷子。日本製筷子加上木芥子、達磨等日本傳統人偶，更值得收藏。
和紙掛鐘，有漢字、平假名、阿拉伯數字可選。
雜貨店既吸引地方在於愈行愈睇愈搵到合適自己既商品，不過就對荷包唔多友好啦。
旅貓雜貨店
地址: 2-22-17, Zoshigaya, Toshima-ku, Tokyo, 171-0032, Japan (Google Maps) 營業時間:12:00~19:00（星期三至星期五）、11:00~18:00（星期六、日及假日） 休息日：星期一、二（如星期一為假日則會營業） 官方網頁: http://www.tabineko.jp/下載粹日本App，網羅更多日本資訊 iOS Android
