留響公司=優秀員工
而響日本社會，工作表現並非同實際結果掛鉤，相反備受重視既係表現工作：點樣show俾上司睇你好努力。而日本人既做法就係盡量長時間留響公司。上司未走唔可以走，只要你留得夠耐就等於你工作努力係一個好員工。
另一方面，日本薪金水平並不如你想像上高，而日本會社員（即公司員工）收取既人工中一般分為「基本給」（底薪）以及「殘業代」（加班費）。加班時間要夠長先至可以賺到一份生活得起既人工。不過亦有部份公司唔會俾加班錢，或者唔斷鐘計算加班。
無加班錢並不等於唔需要加班，除左表現/表演你既工作辛勤外，人手不足業務多到做唔曬先係根本問題，所以亦有一堆日本人不等不每日加班幾個鐘，呢一種無錢收既加班稱為「サービル残業」（自願加班）。
報連相「菠菜」與前後輩文化
報告：向上級適時報告工作進度並請求指示： 聯絡：適時向各持分者通報工作情況 相談：遇事不自作主張，與上司溝通後作決定
唔亂作決定並非壞事，但日本公司唔少會將菠菜文化升上神檯，一件小事要向上報告、聯絡好幾次，每個決定都要相談一次，效率可想而知。至於日本社會中同樣重視既仲有前後輩文化，身為後輩聽前輩話係義務，公司既新員工就有責任要提早一D返工處理瑣碎職務、哽豬頭骨。
飲酒增進感情
日本人對飲酒會既鍾意深入骨髓。日本人唔少會每星期去幾次飲酒會，傳統職場中只要上司、前輩邀請你去飲酒都無得唔去。
日本人相信即使同事日日相處，都要不時去飲飲酒「先可以」增進感情維繫關係，同時佢地有一種說法稱為「無禮講」（ぶれいこう），即係飲酒會上就可以放下身份，不分高低地交流。只不過事實係後輩一樣要負責做準備工作、點菜、斟酒、陪笑，究竟是咪真係有無禮講呢樣野還是兩說。
下載粹日本App，網羅更多日本資訊 iOS Android
