你有無飲過日本茶？ 黎過日本旅行的話一定飲過，響香港既日本料理餐廳一定飲過，便利店樽裝茶一定飲過，你仲可能收過朋友從日本帶返黎既茶葉手信。身為香港人想飲一口日本茶實在太簡單。 但係你又有無飲過由日本茶伺茶師所沖泡的日本茶？ 今日就由粹日本小編帶你去東京表參道的茶茶之間（茶茶の間）拜訪呢一杯咁特別既日本茶。

茶茶之間係由擁有「日本茶侍茶師」資格的專任員工負責泡茶，一杯一杯細心、認真地沖泡。據佢地所講，日本茶係「可以品嘗到日本山之香氣」的飲品。

先來一杯煎茶吧。煎茶分三次沖泡，按照茶葉的狀態調整水溫，每一泡都可以品嘗到煎茶不同的美味。 第一泡（一煎目）使用既竟然係冰水？將冰水注入湯冷後再倒入急須中泡茶。第一泡要花約三分鐘「打開」茶葉並萃取茶葉表面的旨味。

第一泡後茶葉已經打開，可以用比第一泡時高溫既水泡茶。使用熱水泡茶後可以立即飲用，能夠品嘗到茶葉的香味。

第三泡的目標是深藏在茶葉中間的美味和香味。從一到三，茶葉經過沖泡後會展開還原，如同回到在茶田被摘下時一樣，經過呢個過程就可以品嘗到日本「山的滋味」。

小編平日都會買下樽裝茶，響office沖下茶包咁，味道係真‧心‧唔一樣！每一杯都可以飲出唔同滋味，有甜有甘有香，同你以前以為既日本茶絕不一樣！

除左煎茶以外，亦有提到日本+茶一定會諗到既「抹茶」 從未試過咁近睇到「點茶」，想知道抹茶點樣沖出黎？睇下小編拍攝既影片啦！

飲茶不能少了點心，店內同時有提供配搭煎茶、抹茶最夾既甜品俾你選擇。

茶茶之本蕨餅（烤黃豆粉蕨餅+黑芝麻蕨餅）

雪糕冷善哉(善哉紅豆蓉、白玉、雲尼拿雪糕、抹茶生朱古力)

一間有heart既日本茶專門店，今年黎到13周年啦！可以了解到日本茶既獨有魅力，唔單止日本人，連外國旅客都會慕名前往。

睇相睇相只能睇到茶色，想要品嘗到茶味、聞到茶香的話，就一定要親身去茶茶の間先得啦！

表参道 茶茶の間

地址: 5-13-14, Jingumae, Shibuya-ku, Tokyo, 150-0001, Japan (Google MAP) 營業時間: 11:00~19:00(L.O. 18:00或售罄即止) 休息日: 星期一、二(如遇假日會營業) 官方網頁: http://chachanoma.com/

---

下載粹日本App，網羅更多日本資訊 iOS Android