池袋除左係購物勝地、掃街好去處外，仲可以俾你同平日唔會點見到既動物作近距離接觸！

 

Kotsumate位於池袋Sunshine通，可以同可愛既刺蝟（ハリネズミ）、蜜袋鼯（フクロモモンガ），以及近年大人氣既小爪水獺（コツメカワウソ）作近距離接觸！

小爪水獺（コツメカワウソ）

水獺名就聽得多，小編都係第一次同佢地見面。據聞水獺原來唔怕人仲好鍾意親近人類，而且小巧可愛個樣仲好得意添！

 

水獺係動物園常客，雖然響陸地棲息，但係非常擅長游水，仲識得潛水添！

 

近年既水獺風潮令大家都唔多記得水獺其實面臨緊生存危機。小爪水獺就屬於華盛頓公約附錄二既瀕危物種。小瓜水獺想要繁殖並不容易，而且小爪水獺雖然每胎通常有5~7隻BB，但雌性水獺只有4個乳頭，所以野生小爪水獺由出生起就要面對優勝劣汰既競爭。響日本國內亦難以繁殖水獺，每次有新既水獺BB出世都係新聞。

 

另一方面近年愈黎愈多人想飼養「可愛既水獺」，違法捕捉、進出口水獺行為頻發，亂捕、環境變化等原因使得野生水獺數目激減。Kotsumate只循合法途徑進口水獺，同可愛動物嬉戲時一樣對環境上心。

Kotsumate既職員於食飯時間訓練水獺「Wait」，認真地等待指示既水獺真係超級得意呀！

刺蝟（ハリネズミ）

接下來既係刺蝟~ Kotsumate既刺蝟習慣同人接觸，即使唔戴手套都可以放心同佢地玩。 如果擔心安全的話，店方同樣有手套提供。

 

仲可以餵佢食野！

刺蝟性格活潑，雖然訓教時間一樣唔少，醒住既時候會跑黎跑去非常活躍。

睇下佢又大又可愛既眼睛~~

蜜袋鼯（フクロモモンガ）

同袋鼠相似，肚前有一個用黎養BB既袋仔。 呢個飲奶既姿勢認真不得了！

蜜袋鼯同鼯鼠（飛鼠）外表類似，亦同樣可以藉由伸直前後腳擴張體表既「飛膜」以短暫滑翔。蜜袋鼯既毛非常~柔軟~，摸過翻唔到轉頭！

想要吸引佢地同你玩？只要有食物在手，無難度！

亦有白色既蜜袋鼯！聽見小編影相就自動自覺望過黎擺埋pose既醒目仔！除左鍾意親近人類之外，亦非常痴身其他既蜜袋鼯。就連訓教時都一齊，好萌好萌！

「Smile~」

店內環境

 

●同動物嬉戲時要留意● ・唔好將手放近動物既口部。見野就咬係動物既天性 ・嬉戲前、後都要徹底洗手、消毒 ・不要發出巨大聲響 ・只餵食指定食物 ・拍攝時不使用閃光燈 ・動物們是會隨時隨地排洩。對此有顧慮既話可以向Kotsumate借用圍裙 入店後會見到售票機，買飛之後就可以開始享受同動物遊戲既時光！

 

Kotsumate

營業時間：11:00-19:00 費用：30分鐘1,300円(12歲以下1,000円) / 60分鐘2,600円(12歲以下2,000円) ※平日入場可獲贈一份餵食用食物 電話：03-6907-2668 地址：5F Narita Building, 1-29-4 Higashiikebukuro, Toshima-ku, Tokyo 官方網頁：https://ktm-kawaii.com/

 

---

下載粹日本App，網羅更多日本資訊 iOS Android