六本木森美術館Cafe THE SUN期間限定「SAKURA Cafe&Parlor」

與《百變小櫻Magic咭展》同期展開既「SAKURA Cafe&Parlor」（さくらカフェ＆パーラー），俾你品嘗各種小櫻主題美食料理，當然唔少得影相打卡！ Cafe會場為森美術館併設的「Cafe THE SUN」，要留意必須持有展覽入場券（或其他指定入場券）先可以進入Cafe範圍排隊。

Cafe門口有小櫻、小狼、知世既Q版公仔迎賓，要留意繁忙時段會設時間限制，小編當日就只可以留60分鐘，記得把握時間！

仲有基路仔同雪比既偽裝形態立像，好得意呀！

基路仔章魚燒拿坡里意粉(ケロちゃんたこ焼きナポリタン)

大大個既基路仔頭其實係炸免治肉扒，下面個一粒好似肉丸既其實係 .......

大阪名物章魚燒！點解要響意粉裡面加章魚燒？如果你對作品夠熟悉的話，應該會記得基路仔最鍾意食既就係章魚小丸子~~

咖哩夠濃郁，雪比既耳仔其實係平時食咖哩時會配既醃菜，底部既星星係炸薯仔，料理如其名，食完的確滿腹100％！

三隻吉祥物分別係芒果布甸、黑加侖子慕斯以及奶凍，造型可愛仲可以一次食到三種不同既甜品！

當然唔可以忘記參觀《百變小櫻Magic咭展》，想先睹為快睇睇展覽有咩精彩內容的話，就要睇粹日本小編們既親身體驗文章啦? 六本木森美術館《百變小櫻Magic咭展》

Art Center Gallery MAP (六本木Hills森之塔52/F) 日期：26 ต.ค.2018 - 3 ม.ค.2019

下載粹日本App，網羅更多日本資訊 iOS Android