踏入11月，日本又黎來一年一度既黃葉季節！

 

通常提到秋天去日本睇景，最先諗到既都會係紅葉。其實日本既黃葉（銀杏）同樣有名而美麗，而且觀賞期較紅葉稍早開始而較長，如果你黎緊一、兩星期會去日本既話，就正好是睇黃葉既好時機！

 

小編前幾日就去左位於東京立川既「昭和紀念公園」，響園內你可以睇到沿途延綿既黃葉，美麗非常！ 昭和紀念公園一年中除左黃葉外仲有其他唔同既季節性植物可以觀賞，同時亦會舉辦各種不同活動，除左可以睇景、觀光外，亦可以去野餐、嬉戲，甚至只係簡簡單單休息一下。

昭和紀念公園佔地廣闊，有幾個唔同既入口，從「立川口」、「記念館口」、「高松口」、「曙口」（あけぼの口）都可以輕鬆到達黃葉路。

平時銀杏就食得多，觀賞銀杏樹既黃葉就機會難得。一年一次於秋天既機會，記得唔好錯過。

據說日本既銀杏樹最初來自中國，至於銀杏呢一種植物已經存在超過2億年歷史，不得了！

除左最為有名既昭和紀念公園外，東京都內亦有其他觀賞黃葉既好地方，例如明治神宮外苑前、代代木公園、東京大學等，有時間的話可以全部去曬佢，睇睇邊度既黃葉最岩你！

黃葉觀賞期內園內總係人頭湧湧，想要人少少影相都易影D的話，就要早D起身啦！

秋天黃葉觀賞期期間，除左黃葉外亦有其他秋季花朵。

●昭和紀念公園(昭和記念公園)● 開放時間: 9:00-16:30 入場費: 450円/成人, 210円/長者及小童 Google Maps : https://goo.gl/maps/mXU2F5ZHR7N2 HP: http://www.showakinen-koen.jp/guide-english/schedule-english/

---

下載粹日本App，網羅更多日本資訊 iOS Android