一年不經不覺，冬天又黎啦！日本既冬季要比香港凍又會落雪，記得帶多幾件衫唔好冷病。

提到日本既冬天，除左雪景外當然就係冬季限定燈飾！日本各地已經開始今年既燈飾活動，號稱關東地區三大燈飾的相模湖冬季燈光秀就係粹日本今次既目標！

燈飾就在相模湖森林遊樂園！

相模湖冬季燈光秀在位於神奈川縣相模湖的「相模湖森林遊樂園」舉辦，呢一個遊樂園當然唔止有燈飾，仲有更多好野玩！好似前一排港區Facebook瘋傳既「Muscle monster」就響呢個遊樂園！ 海拔370米高既山頂上既特設展望台俾邊睇絕景邊玩歷奇遊戲，爽呀！

(相片提供: 富士急行株式会社)

仲有可以同柏靈頓熊見面既「柏靈頓熊城鎮」，裡面仲設有0歲小朋友都可以玩既特別機動遊戲，一家大細齊歡樂！

柏靈頓熊城鎮內有著數之不盡既熊仔，治癒身心！

燈飾開幕禮！

今（2018）年既燈飾開幕禮有柏靈頓熊登場，一齊數5、4、3、2、1，亮燈！ 使用多達600萬個燈泡既燈飾究竟有咩睇頭？

'燈光秀聖誕樹'

聖誕樹周邊有唔少商店，可以俾買野食野飲，一邊欣賞燈飾一邊享用大餐。入冬了，飲杯加左棉花糖既熱可可最好不過！

世界最大級「光之寶石箱」會有燈飾表演，睇著50萬個LED燈泡既閃爍表演實在不能再感動！

另一個必睇燈飾係體驗型既「彩虹纜車」，全長250米既纜車車程配上彩虹燈飾，眨下眼就完~~

坐纜車上山頂後緊接有摩天輪，從高空向下俯瞰又係另一番景色！

記得要返去上面提過既柏靈頓熊城鎮，裡面同樣有燈飾裝置架~

遊覽一番後又係時候食下野補充體力，園內餐廳Wild Dining有推出燈飾期間限定料理，烤牛肉拉麵、安格斯牛肉蛋包飯係小編推介！

唔止燈飾仲有各種活動、遊戲，從早到晚玩足一日無難度，相模湖冬季燈光秀至19年4月27日為止，會黎關東玩的話要留意啦。

相模湖森林遊樂園

地址 : 1634, Wakayanagi, Midori-ku Sagamihara-shi, Kanagawa, 252-0175, Japan 官方網頁 : http://www.sagamiko-resort.jp/

---

下載粹日本App，網羅更多日本資訊 iOS Android