雖然橫濱並不屬於東京都，去東京旅行的話點可以唔橫濱玩番轉？要數最新、必去既注目橫濱景點，就一定係最新翻新既「橫濱Pokemon Center」！

響入口可以見到著上水手服既比卡超，要知道橫濱係著名既海港城市，水手卡比超係要呢度先見得到！

慶祝橫濱Pokemon Center翻新重開既限定精品值得你大手入貨！

咁多款精品中，水手服比卡超公仔至為可愛，右手仲有一隻迷你傻鴨畫龍點睛！得意程度100分，無得唔買！

限量精品當然觸目，除此以外亦有唔少值得買番委港既商品。以下係小編三心兩意之選，睇下有無你心水？

 

比卡超cushion 放一隻響床頭豈不快哉？佢個樣好似響度問緊你：「做咩唔攬實我呀？」，立即抱緊處理！

 

手機配件 手機上下前後每種配件都可以搵到小精靈版，試諗下由比卡超黎為你充電就已經不得了！

 

廚房用品 是咪無諗過會有精靈球形狀既飯盒？（據說小精靈肉係食得既 ...），亦有比卡超嘜頭既筷子座，送俾鍾意小精靈既朋友就最好不過！

 

日用品 想從頭到腳全部小精靈用品？你差既就只剩一對小精靈襪！返到屋企就換上比卡超或者伊貝既室內鞋啦！

 

旅行枕頭 響橫濱買定，飛翻香港就可以用！帶住佢再去其他地方旅行，總會讓你想起橫濱之旅 ......

 

慢慢揀慢慢買！

買得太多上唔到樓，但係又唔想後悔？慢慢揀直至買到你既心頭好為止！

連接Pokemon Center以及0101既通道一樣有小精靈，記得留念！

下次去橫濱，又多一個必去景點啦！

橫濱　Pokemon Center

地址: 8F MARUI City Yokohama, 2-19-12 Takashima, Nishi-ku, Yokohama (MAP) 營業時間: 10:30 - 20:30
© 2018 Pokémon. © 1995-2018 Nintendo/Creatures Inc. /GAME FREAK inc.

---

下載粹日本App，網羅更多日本資訊 iOS Android