響日本旅行時人有三急，使用洗手間時總係驚訝於整體既高質、整潔。另一方面你又有留意到不時出現既細絹流水聲？ 你又有無好過，好好地點解會有一個「聲音」掣響度？

 

 

既能夠發熱，又可以洗pat pat既係由TOTO發明既Washlet，而其中既「聲音」掣又被稱為「音姬」（Oto-hime）。發明於1988年，目的係針對在意自己如廁時聲響既女性既需要。唔講唔知雖然使用既係現代科技，但「以聲制聲」既想法其實始於江戶時期！

 

 

江戶時期既女性同樣會使用不同方法發出聲響，以遮蓋自己如廁時既聲音。當時有類似上圖的裝置，水流從竹子流入中空既石盤中，以水流聲掩蓋如廁聲音。

 

 

現代洗手間中未有「音姬」前，不少人會故意沖廁，然後借助沖廁聲快快完事。不過呢種做法未免浪費水資源，並不妥當。

 

 

有左音姬就可以使用人工聲響作遮掩，無須特意沖廁然後趕頭趕命，據知不少女性都有實際使用音姬！

 

 

不過一利有一弊，使用音姬固然可以製造出足以遮蔽加廁時發出既響聲，但同時代表音姬既音量絕對夠大人人聽得見，即係當有一名音姬歌唱時，就肯肯定有一個人正在 ......正因如此，既有人因為唔想被人聽到自己如廁聲而使用音姬，亦有人羞於使用。

 

未有機會親身試用音姬？可以參考下面影片聽聽聲。下次黎到日本即使你唔似得日本女性般怕醜，都可以試下使用音姬！

 

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格