一種改變日本人飲用清酒文化的商品，即飲清酒至今已經有超過50年歷史，而發售這一種商品亦唔止得原創者「大關酒造」，日本各大酒藏以及不同地方都有推出自家既即飲清酒。幾乎每一個縣都會有自己既限定款式，當你到各地旅行時，只要到物產店、超市或便利店就可以搵到。
小編今次就為大家搜羅左一D特色設計，睇睇當中有無你心水？
九州熊本 推出既當然係當地「名人」熊本熊設計。
呢一款愛知縣既當地設計就用上日本象徵之一：櫻花！
松島限定罐則係表現出當地長滿松樹既小島風景。
神戶則係帶有復古設計，表現港口地區魅力。
秋田縣其中一個最著名既活動係「秋田竿燈祭」，呢一款限定罐俾你任何時候都可以體驗到竿燈之美！
毫無疑問，上野罐罐身印既係熊貓。響香港除左可以去上野公園見真熊貓外，仲可以去JR上野站既手信店「のもの」購買各種熊貓主題手信。
下面呢一款來自北海道旭川市旭山動物園既限定罐，上面既動物你又鍾意唔鍾意？
想要睇到各種地方限定罐，唔需要去勻每個地方，東京淺草「忍者場」（Ninja Bar）就有非常齊全既收藏。
忍者場 地址: 1-1-12 Asakusa, Taito-ku, Tokyo, Japan
另外淺草「まるごとにっぽん」商場及銀座「Tokyu Plaza」都有部份地方限定罐提供，要留意限定版價錢比一般日常飲用既要貴少少，一罐約230~400円。 下次去日本旅行記得搵搵有無特色即飲清酒帶番香港做手信！玻璃罐本身可以循環再用，樂趣無窮！
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
