當今日本國內熊貓巨星當然係住響上野動物園，現年一歲多少少既香香小妹妹，正值熊貓最得意、最百厭既時期，依家去上野的話，360度全方位，熊貓、熊貓，更多的熊貓！ 你去到日本可能唔會特登去睇大熊貓，但多得日本人對熊貓無比既熱情同愛，熊貓精品手信種類又多又豐富，實在沒有不入手既理由！ 今次粹日本小編就為你精選響JR上野站「のもの」食料店買得到既熊貓小食、手信，買黎自己食又得，送俾喜歡熊貓既朋友亦得！ のもの のもの（Nomono）係一家由JR東日本營運，以拓展「地方」（即非都會地區，意近鄉間、二線城市）食品既商店。現時於上野、池袋站等地有多家分店，雖然同為「Nomono」品牌但每家分店既商品都有不同，今次介紹既上野店除了不同地方既當地食品、食材外，店內就放有各種熊貓主題食品，正係買手信既好地方！ 想知道nomono更多？去佢地既官網啦：http://www.jreast.co.jp/nomono/consept/index.html 今次我地搜羅左三種熊貓食物，究竟邊隻熊貓最好食？ 手燒熊貓煎餅 第一款要推介既係「手燒熊貓煎餅」，貪佢大大塊都只不過係129円，而且包裝相當吸引，煎餅亦有仔細整成熊貓型，作為手信值得加分。 負責殺害呢一塊熊貓煎餅既小編表示佢都好唔捨得； 一個人獨食的話可以一啖啖咬，如果同人分享的話結構原因，熊貓係一定會身首異處 比一般日本街邊可以買到既煎餅要硬少少，而且醬油味無咁重，如果你比較喜歡有一片紫菜痴住既濃味煎餅的話，可能呢一款就唔太合你口味。不過作為送俾人既禮物的話，比起一盒5個、10個既手信，價錢唔算分別好大又有特色，係唔錯既選擇。 熊貓形味噌麵包 「味噌麵包」係一種日本特有，響麵包麵糰中加入味噌既麵包。至於呢一款熊貓味噌麵包其實係同一品牌動物系列中既其中一款，一包有兩大個！ 小編既然係買熊貓食品，首要當然係睇造型是否夠可愛，呢個熊貓麵包睇落真係無得輸，可惜打開包裝嘗試ling出黎就知道今次中伏鳥 …… 可愛熊貓個貓樣痴左落個包裝袋度，ling到出黎都變成生化熊貓；小編唔信邪，放入微波爐，叮一叮佢，諗住用熱力溶開痴住包裝袋既部份，點知衰多兩錢重，成塊面無左！！ 味道方面，小編就食唔出有味噌味，不過就覺得佢簡直係一個熊貓形既江酥餅，口感、味道都係咁似~ 球體PANDA（士多啤梨朱古力白豆蓉最中） 響のもの購入既三種熊貓食品既最後一個！「最中」係一種傳統和菓子，將麻糰烤壓成一個薄身的脆皮殼，裡面放紅豆蓉、栗子等既餡料。 細細個的的骰骰咁，不過價錢比一塊熊貓煎餅要貴，價錢貴D自然係用料十足！ 打橫切開就可以見到，成個球體熊貓裡面係滿滿既餡料，雖然有加入士多啤梨同白朱古力，不過味道最重既始終係白豆蓉，呢一個熊貓最中算係一個帶有少許洋風既和菓子啦！ 同場加映：訓教熊貓蛋糕 除左のもの既大量熊貓商品外，上野站周邊仲有更多、更多、更多既熊貓！今次小編就額外響上野丸井（0101）既東京えんとつCAFE買左一個「訓教熊貓蛋糕」。入手原因當然一樣係：得意！！ 訓教熊貓屁股朝天，只見大大個忌廉屁股同埋黑色熊貓短腿， 熊貓最代表性既黑眼圈熊貓樣就唔見影啦。蛋糕中間有吉士醬，而且份量唔細，一個人食隨時半飽！ 下載粹日本App，網羅更多日本資訊 iOS Android 發現文章有任何問題請話俾小編知☞ 回報表格
當今日本國內熊貓巨星當然係住響上野動物園，現年一歲多少少既香香小妹妹，正值熊貓最得意、最百厭既時期，依家去上野的話，360度全方位，熊貓、熊貓，更多的熊貓！ 你去到日本可能唔會特登去睇大熊貓，但多得日本人對熊貓無比既熱情同愛，熊貓精品手信種類又多又豐富，實在沒有不入手既理由！ 今次粹日本小編就為你精選響JR上野站「のもの」食料店買得到既熊貓小食、手信，買黎自己食又得，送俾喜歡熊貓既朋友亦得！ のもの のもの（Nomono）係一家由JR東日本營運，以拓展「地方」（即非都會地區，意近鄉間、二線城市）食品既商店。現時於上野、池袋站等地有多家分店，雖然同為「Nomono」品牌但每家分店既商品都有不同，今次介紹既上野店除了不同地方既當地食品、食材外，店內就放有各種熊貓主題食品，正係買手信既好地方！ 想知道nomono更多？去佢地既官網啦：http://www.jreast.co.jp/nomono/consept/index.html 今次我地搜羅左三種熊貓食物，究竟邊隻熊貓最好食？ 手燒熊貓煎餅 第一款要推介既係「手燒熊貓煎餅」，貪佢大大塊都只不過係129円，而且包裝相當吸引，煎餅亦有仔細整成熊貓型，作為手信值得加分。 負責殺害呢一塊熊貓煎餅既小編表示佢都好唔捨得； 一個人獨食的話可以一啖啖咬，如果同人分享的話結構原因，熊貓係一定會身首異處 比一般日本街邊可以買到既煎餅要硬少少，而且醬油味無咁重，如果你比較喜歡有一片紫菜痴住既濃味煎餅的話，可能呢一款就唔太合你口味。不過作為送俾人既禮物的話，比起一盒5個、10個既手信，價錢唔算分別好大又有特色，係唔錯既選擇。 熊貓形味噌麵包 「味噌麵包」係一種日本特有，響麵包麵糰中加入味噌既麵包。至於呢一款熊貓味噌麵包其實係同一品牌動物系列中既其中一款，一包有兩大個！ 小編既然係買熊貓食品，首要當然係睇造型是否夠可愛，呢個熊貓麵包睇落真係無得輸，可惜打開包裝嘗試ling出黎就知道今次中伏鳥 …… 可愛熊貓個貓樣痴左落個包裝袋度，ling到出黎都變成生化熊貓；小編唔信邪，放入微波爐，叮一叮佢，諗住用熱力溶開痴住包裝袋既部份，點知衰多兩錢重，成塊面無左！！ 味道方面，小編就食唔出有味噌味，不過就覺得佢簡直係一個熊貓形既江酥餅，口感、味道都係咁似~ 球體PANDA（士多啤梨朱古力白豆蓉最中） 響のもの購入既三種熊貓食品既最後一個！「最中」係一種傳統和菓子，將麻糰烤壓成一個薄身的脆皮殼，裡面放紅豆蓉、栗子等既餡料。 細細個的的骰骰咁，不過價錢比一塊熊貓煎餅要貴，價錢貴D自然係用料十足！ 打橫切開就可以見到，成個球體熊貓裡面係滿滿既餡料，雖然有加入士多啤梨同白朱古力，不過味道最重既始終係白豆蓉，呢一個熊貓最中算係一個帶有少許洋風既和菓子啦！ 同場加映：訓教熊貓蛋糕 除左のもの既大量熊貓商品外，上野站周邊仲有更多、更多、更多既熊貓！今次小編就額外響上野丸井（0101）既東京えんとつCAFE買左一個「訓教熊貓蛋糕」。入手原因當然一樣係：得意！！ 訓教熊貓屁股朝天，只見大大個忌廉屁股同埋黑色熊貓短腿， 熊貓最代表性既黑眼圈熊貓樣就唔見影啦。蛋糕中間有吉士醬，而且份量唔細，一個人食隨時半飽！ 下載粹日本App，網羅更多日本資訊 iOS Android 發現文章有任何問題請話俾小編知☞ 回報表格
