日本處處都有好野食，香港人至愛既大阪當然亦唔例外！你又講唔講得出大阪當地人引以為傲既當地美食？ 今次就由粹日本為你介紹5種大阪人既soul food，如當你仲唔食均的話，下次飛大阪識做！

1. 章魚燒

「X船」既章魚小丸子相信大家都食過，正宗既大阪章魚燒你又食過未？大阪街頭巷尾度度都可以搵到章魚燒店，想要唔中伏的話除左留意多日本人排隊既鋪頭外，仲可以上Tabelog查查高分名店； 又或者上網搵搵近年米芝蓮推介過既章魚燒，經過考驗絕對唔會令你失望！

2. 串炸

一串串熱辣辣既串炸，熱氣但好味，點忍得到口！有肉有菜唔同店鋪亦有自家特色材料，裹上麵包糠油炸，趁熱開餐！ 食串炸記得守規矩，串炸店既沾汁係一桌一份，上一手客、下一手客，大家都係用同一份。所以沾汁只可以沾一次，咬過既串炸亦唔可以再放入沾汁裡面。想要多D自由度的話可以將例牌生椰菜當成匙羹將沾汁盛到自己既小碟上面，就可以響唔污染共用沾汁之上享受調節味道既樂趣。

3. 御好燒

香港人會將日本唔同地方既御好燒稱為「大阪燒」、「廣島燒」，至於日本人就會將呢一類料理統稱為「御好燒」；用小麥粉、雞蛋、肉菜海鮮等材料，響鐵板上煎烤成型的都可以稱為御好燒。 想知道點樣區分「大阪御好燒」、「廣島御好燒」，點樣食先正宗？睇粹日本既介紹文了解多D！

4. 豬肉包

中華料理一直係日本主流美食之一，而大阪人就尤其喜歡食肉包。時至今日肉包已經扎根大阪，最出名既「551蓬萊」當然要試，行緊街買緊野時見到其他品牌既肉包都記得唔好放錯，隨時有驚喜！

5. 烤內臟

即使平日唔食內臟都難以抗拒既美味！中菜也好港式料理始終無「烤肉」，內臟料理一係就滷一係就煮，日本既烤內臟完全係另一種滋味！

---

下載粹日本App，網羅更多日本資訊 iOS Android