九州由布院金鱗湖周邊散策

只要去九洲大分縣，就一定會去由布院（湯布院）。而去得由布院的話就一定會去當地名景點金鱗湖；以為去金鱗湖只係可以睇個湖？當然唔會咁簡單！今次粹日本就為你整理金鱗湖周邊既食、玩、睇，俾你一個更全面、更開心既金鱗湖散策！

共同浴場「下ん湯（したんゆ）」

呢一個名為「下湯」既係金鱗湖旁邊既公眾浴場，只要付200円入浴費的話就可以使用溫泉設施。比起城市內既錢湯、溫泉鄉既溫泉旅館，下湯係以萱葺搭建而成，同白川鄉既合掌造有相似之處。響金鱗湖的霧氣之中下湯既獨特建築風格更有身處鄉郊仙境既感覺。而下湯值得推薦既唔止有外觀，更重要既係呢個係一個「混浴溫泉」，即係男女同浴。（粹日本嚴正聲明：混浴溫泉只供入浴使用，並不作其他用途。男女混浴是日本的溫泉文化傳統之一，不論性別入浴者的目的為泡溫泉，而非察看同性或異性的身體）

在 Instagram 查看這則貼文

Hiroshi Komata（@matakichi1216）分享的貼文於 PDT 2017 年 8月月 2 日上午 2:35 張貼

下湯內有室外及室內溫泉各一，均為男女混浴。至於入浴步驟同一般的溫泉一樣，想知道日本溫泉既各種規矩以及正確浸溫泉方法的話可以睇我地既文章。 景點資訊 名稱：下ん湯地址：大分県由布市湯布院町川上１５８５番地（MAP）營業時間：10:00~22:00 休息日：無休費用：入浴費200円

天祖神社

位於金鱗湖旁的天祖神社，於明治時期的「神佛分離」時從不遠處的佛山寺分離自成一個神社。金鱗湖本身並唔大，周邊既景點亦通通迷你化，天祖神社必影的則係一個小小的水中鳥居。

在 Instagram 查看這則貼文

Asuka Lynn（@asukalynn）分享的貼文於 PDT 2018 年 5月月 5 日上午 8:28 張貼

雖然唔似得嚴島神社既水中鳥居可以於退潮時步行前往，天祖神社先可以拍攝到既係鳥居、湖水、山岳、樹影的配搭。除了人工搭建的神社、鳥居之外，神社內的神木為由布市的天然紀念物，去天祖神社感受一下天地靈氣吧！ 景點資訊 名稱：天祖神社地址：大分県由布市湯布院町川上（MAP）營業時間：無休息日：無休

古式手打蕎麦「泉」

推薦金鱗湖周邊美食，當然不能只吃美食，當然要邊吃邊看景才滿足！

在 Instagram 查看這則貼文

涼華(suzuka)（@suzuka_ota）分享的貼文於 PDT 2015 年 10月月 5 日下午 10:50 張貼

「古式手打蕎麦「泉」」店面就在金鱗湖，餐廳內不少座席都可以從室內或室外直接看到金鱗湖，不論是一個人還是跟朋友、伴侶一起，乘著湖色吃日本傳統的蕎麦倍感美味！

出典：akii@Tabelog

既然稱得為手打蕎麦麵，當然有得睇師傅即席打麵！如果時機好睇得到的話，記得留心職人手藝！「泉」的招牌是「鴨せいろ」（鴨肉蒸籠蕎麦麵），油香豐腴的鴨肉、烤得焦香的粗條大蔥，兩籠蕎麦分量十足！ 景點資訊 名稱：古式手打蕎麦泉地址：大分県由布市湯布院町川上1599-1（MAP）營業時間：11:00~17:00 休息日：無休

附錄：金鱗湖的朝霧

由布院金鱗湖的骰而精緻，單看湖景本來就有魅力，而上面由小編精選的三個散策景點讓你從其他方面體驗金鱗湖；金鱗湖另一個有名特色是清晨時的「朝霧」，天氣好而又能遇上朝霧的話，可以拍下有如仙境般的美麗照片。秋天至冬天時該地較易起霧的季節，而天晴、晝夜溫差大且弱風的日子也較易看到朝霧。如果你將在今個秋冬到訪大分由布院的話，記得留意當地天氣，找一天早點起床，看去碰一下看朝霧的運氣，然後再來品嘗美味蕎麦麵和走訪湖邊景點吧！

下載粹日本App，網羅更多日本資訊 iOS Android