香港人會講開門七件事：柴米油鹽醬醋茶，意指日常生活的7種必需品。至於日本人亦有類似既講法，所謂的「さしすせそ」係日語50音第3行「Sa行」，讀意為「Sa Shi Su Se So」，分別代表一種日本料理不可或缺的調味料。 大家由細食到大既日本料理究竟用上咩野調味料製作？先後順序又係點？等粹日本根本唔入廚房日本人小編為你解答！

さ：砂糖（さとう/Satou）

第一個係さ（Sa），剛好發音同廣東話一模一樣，Sa代表既係砂糖；因為甜味較難入味，所以要首先落糖。

し：塩（しお/Shio）

第二種調味料係鹽，日語讀音為「Shi O」。鹽水有較強既滲透壓會迫出食材既水分，而且加鹽後會令甜味難以滲入，所以要先加糖後加鹽。

す：酢（す/Su）

過早加醋的話只會煮走酸味，而且加醋後亦會妨害甜味、咸味作用於食材上，所以不論係按讀音定係順序都係放響第三位。

せ：醬油（せいゆ/Seiyu）

如果你識得日文既話一定會發現，日文中醬油既發音應為「しょうゆ」（Shouyu），「せいゆ」（Seiyu）其實係舊讀法。日本人認為加入醬油係為左品嘗醬油既風味，所以不宜久煮，臨完成前加入即可。

そ：味噌（みそ/Miso）

最後一項係味噌（麵豉），用於料理既味噌同醬油一樣均為點綴和添加味道之用，所以同樣於調理過程最後先至落。 さしすせそ既順序除左配合日語發音以外，亦代表日本料理過程使用調味料次序，只要識得日文記住調味料既さしすせそ就唔會搞錯！ 想要廚藝進一步的話，除左學會使用五種基本調味料外，仲可以學習使用味醂（みりん/Mirin），作為調料酒味醂要先於砂糖使用。

---

下載粹日本App，網羅更多日本資訊 iOS Android