去日本買野，平有平買、貴有貴買，小編無論係過去黎旅行實依家住響日本，最鍾意去既就係日本既100円店。 雖然香港都有10蚊店，不過日本100円店換款速度、商品數量、設計實用等等都要勝好幾籌，而且無論7算定8算，100円都要平過10蚊港紙，點有唔行唔買既理由！ 今次小編就去左DAISO（大創）以及Can Do為大家搜羅左一堆「助你生活更方便」既商品，唔單止真金白銀購物仲會為你實試，睇睇是咩真係有用，唔會浪費100円！ （PS: 小編其實都有去Seria，唔知係筆者唔好彩定去個間Seria太細，搵唔到一D值得買既實用野；雖然小編一直家用品設計方面Seria要贏9條街 ……） （PS2: 文中介紹的商品如無特別注明，售價均為稅前100円。不確保發售品牌所有分店均有售賣該商品，同時不保證商品會否因轉款、停售等原因而中止販賣） 我地仲有另外一篇「料理用品篇」，記得睇埋佢！ https://press.ikidane-nippon.com/hk/other-hk/28831 珪藻土吸水傘墊（Can Do） 小編會睇中呢一款吸水傘墊，除左因為佢食正珪藻土熱潮外，傘墊細細塊唔用可以收埋，相比傘架更適合香港人家居。畢竟雨傘乾爽時要收入櫃加橫放都得，傘架就 ...... 將傘墊放響90度既牆身對開，隔開些少距離以便雨傘可以倚牆而放。 三角形既吸水傘墊設計上最多可以放三把遮，當然放三把時就要考你技巧。 傘墊上有凹槽，除左有助穩定傘身方便擺放外，如果遇上大雨珪藻土無法吸去所有水份，都仲有一個凹位可以用黎盛水，一舉兩得。 小編於雨天實試，上圖般既水量大約20~30分鐘就回復乾爽，好天時可以將傘墊收起唔用，你亦可以買定一塊睇門口，如果有客人來訪唔夠空位的話，多一塊傘墊就多出三個放遮既空間。 推薦分數：75/100 微波爐清潔套裝（DAISO） 呢一款微波爐清潔套裝其實推出左一段時間，響競爭激烈既100円市場可以生存咁耐，是咪真係值得推薦？ 一份清潔套裝內有一塊海棉及一包橙味清潔劑。 使用方法簡單，只要將清潔劑倒落海棉，放入微波爐叮一分鐘，之後待海棉降溫後按一般清潔方法就可以。 小編為左影相方便，清潔劑倒好先放入微波爐，但就發現液體量多，最好係先將乾海棉放好再落清潔劑，乾手淨腳。 叮完後捽就得。100円一set既實力比小編預期要好，公司陳年微波爐既污跡起勢捽的話，可以見到下面圖片（before）同（after）既分別； 不過呢一款清潔套裝清潔力會隨著溫度降低而減弱，而且太過頑強既污跡始終唔係100円貨色可以清理，如果你平日有錫住用微波爐的話，去一次日本買定幾set清潔套裝，作為定期既簡易清潔係唔錯既選擇。 推薦分數：70/100 靜電memo紙（DAISO） 下一款要介紹既係一包成100張既「靜電memo紙」！同一般memo紙唔同無加膠水，只要可以用靜電吸附的話就用得上； 每一包只有一隻色，今次小編就購入左螢光黃色，貪佢夠顯眼！Memo紙用途單一，好寫、易睇，唔易甩就已經係perfect： 好寫：無問題！雖然係靜電版但唔會話唔上色、易甩色，亦唔需要大大力刮落去，同一般既memo紙無大分別； 易睇：視乎你選擇既顏色同用既筆，因為上色容易唔會睇到眼矇。至於最大既難關易甩，小編響office實試，完全可以取代一般既膠水memo紙，實用程度無大分別！ 台頭，得！ 電話，得！ 日曆，得！ 電腦mon，一樣得！好處同壞處一樣明顯，無靜電既表面就完全100%唔對應，但只要痴到上去就一樣穩陣，唔會有膠水就唔會整污糟地方，有辣有唔辣！ 推薦分數：75/100 眼鏡防起霧噴霧（DAISO） 小編由小學一年級戴眼鏡戴到今日，深知道戴眼鏡有幾多唔方便；其中一種常見又討厭既係水汽；出入冷氣房、食拉麵飲湯時立即無法視物，有眼鏡等於無眼鏡。除非你係下面呢位人兄，否則眼鏡起霧總無好事 …… 跟著使用方法做，首先表裡各噴一兩下，用紙巾或毛巾抹開噴霧，隔1、2分鐘後再用乾巾抹一下就ok。（為確認效果，只有左眼鏡片有噴噴霧） 實戰測試，將眼鏡放上剛煲滾既水上面包裹一層水汽，然後睇睇起霧情況有幾大改善。 可惜 ……幾乎無分別呀！！！隔著上左霧既眼鏡，左邊也好右邊也好睇到既清晰度並無大分別。雖然可以隱約睇到左眼鏡片睇到既細節多少少，但始終都係睇唔清楚，唔除眼鏡抹一抹唔得。 推薦分數：45/100 除左家居同辦公室用品，我地仲測試左幾款料理用品，記得睇埋佢！ https://press.ikidane-nippon.com/hk/other-hk/28831 下載粹日本App，網羅更多日本資訊 iOS Android
去日本買野，平有平買、貴有貴買，小編無論係過去黎旅行實依家住響日本，最鍾意去既就係日本既100円店。 雖然香港都有10蚊店，不過日本100円店換款速度、商品數量、設計實用等等都要勝好幾籌，而且無論7算定8算，100円都要平過10蚊港紙，點有唔行唔買既理由！ 今次小編就去左DAISO（大創）以及Can Do為大家搜羅左一堆「助你生活更方便」既商品，唔單止真金白銀購物仲會為你實試，睇睇是咩真係有用，唔會浪費100円！ （PS: 小編其實都有去Seria，唔知係筆者唔好彩定去個間Seria太細，搵唔到一D值得買既實用野；雖然小編一直家用品設計方面Seria要贏9條街 ……） （PS2: 文中介紹的商品如無特別注明，售價均為稅前100円。不確保發售品牌所有分店均有售賣該商品，同時不保證商品會否因轉款、停售等原因而中止販賣） 我地仲有另外一篇「料理用品篇」，記得睇埋佢！ https://press.ikidane-nippon.com/hk/other-hk/28831 珪藻土吸水傘墊（Can Do） 小編會睇中呢一款吸水傘墊，除左因為佢食正珪藻土熱潮外，傘墊細細塊唔用可以收埋，相比傘架更適合香港人家居。畢竟雨傘乾爽時要收入櫃加橫放都得，傘架就 ...... 將傘墊放響90度既牆身對開，隔開些少距離以便雨傘可以倚牆而放。 三角形既吸水傘墊設計上最多可以放三把遮，當然放三把時就要考你技巧。 傘墊上有凹槽，除左有助穩定傘身方便擺放外，如果遇上大雨珪藻土無法吸去所有水份，都仲有一個凹位可以用黎盛水，一舉兩得。 小編於雨天實試，上圖般既水量大約20~30分鐘就回復乾爽，好天時可以將傘墊收起唔用，你亦可以買定一塊睇門口，如果有客人來訪唔夠空位的話，多一塊傘墊就多出三個放遮既空間。 推薦分數：75/100 微波爐清潔套裝（DAISO） 呢一款微波爐清潔套裝其實推出左一段時間，響競爭激烈既100円市場可以生存咁耐，是咪真係值得推薦？ 一份清潔套裝內有一塊海棉及一包橙味清潔劑。 使用方法簡單，只要將清潔劑倒落海棉，放入微波爐叮一分鐘，之後待海棉降溫後按一般清潔方法就可以。 小編為左影相方便，清潔劑倒好先放入微波爐，但就發現液體量多，最好係先將乾海棉放好再落清潔劑，乾手淨腳。 叮完後捽就得。100円一set既實力比小編預期要好，公司陳年微波爐既污跡起勢捽的話，可以見到下面圖片（before）同（after）既分別； 不過呢一款清潔套裝清潔力會隨著溫度降低而減弱，而且太過頑強既污跡始終唔係100円貨色可以清理，如果你平日有錫住用微波爐的話，去一次日本買定幾set清潔套裝，作為定期既簡易清潔係唔錯既選擇。 推薦分數：70/100 靜電memo紙（DAISO） 下一款要介紹既係一包成100張既「靜電memo紙」！同一般memo紙唔同無加膠水，只要可以用靜電吸附的話就用得上； 每一包只有一隻色，今次小編就購入左螢光黃色，貪佢夠顯眼！Memo紙用途單一，好寫、易睇，唔易甩就已經係perfect： 好寫：無問題！雖然係靜電版但唔會話唔上色、易甩色，亦唔需要大大力刮落去，同一般既memo紙無大分別； 易睇：視乎你選擇既顏色同用既筆，因為上色容易唔會睇到眼矇。至於最大既難關易甩，小編響office實試，完全可以取代一般既膠水memo紙，實用程度無大分別！ 台頭，得！ 電話，得！ 日曆，得！ 電腦mon，一樣得！好處同壞處一樣明顯，無靜電既表面就完全100%唔對應，但只要痴到上去就一樣穩陣，唔會有膠水就唔會整污糟地方，有辣有唔辣！ 推薦分數：75/100 眼鏡防起霧噴霧（DAISO） 小編由小學一年級戴眼鏡戴到今日，深知道戴眼鏡有幾多唔方便；其中一種常見又討厭既係水汽；出入冷氣房、食拉麵飲湯時立即無法視物，有眼鏡等於無眼鏡。除非你係下面呢位人兄，否則眼鏡起霧總無好事 …… 跟著使用方法做，首先表裡各噴一兩下，用紙巾或毛巾抹開噴霧，隔1、2分鐘後再用乾巾抹一下就ok。（為確認效果，只有左眼鏡片有噴噴霧） 實戰測試，將眼鏡放上剛煲滾既水上面包裹一層水汽，然後睇睇起霧情況有幾大改善。 可惜 ……幾乎無分別呀！！！隔著上左霧既眼鏡，左邊也好右邊也好睇到既清晰度並無大分別。雖然可以隱約睇到左眼鏡片睇到既細節多少少，但始終都係睇唔清楚，唔除眼鏡抹一抹唔得。 推薦分數：45/100 除左家居同辦公室用品，我地仲測試左幾款料理用品，記得睇埋佢！ https://press.ikidane-nippon.com/hk/other-hk/28831 下載粹日本App，網羅更多日本資訊 iOS Android
