去日本買野，平有平買、貴有貴買，小編無論係過去黎旅行實依家住響日本，最鍾意去既就係日本既100円店。 雖然香港都有10蚊店，不過日本100円店換款速度、商品數量、設計實用等等都要勝好幾籌，而且無論7算定8算，100円都要平過10蚊港紙，點有唔行唔買既理由！ 今次小編就去左DAISO（大創）以及Can Do為大家搜羅左一堆「助你生活更方便」既商品，唔單止真金白銀購物仲會為你實試，睇睇是咩真係有用，唔會浪費100円！ （PS: 小編其實都有去Seria，唔知係筆者唔好彩定去個間Seria太細，搵唔到一D值得買既實用野；雖然小編一直家用品設計方面Seria要贏9條街 ……） （PS2: 文中介紹的商品如無特別注明，售價均為稅前100円。不確保發售品牌所有分店均有售賣該商品，同時不保證商品會否因轉款、停售等原因而中止販賣） 我地仲有另外一篇「家居辦公室用品篇」，記得睇埋佢！ https://press.ikidane-nippon.com/hk/other-hk/28863 微波爐用矽膠夾（Can Do） 呢一款矽膠夾用途只有一個，就係響微波爐裡面拎野出黎時隔熱用。雖然使用矽膠製造，但官方說法就話只可以用於微波爐，明火、IH電磁爐加熱的話恕不適用。 佢既優缺點非常明顯；優點一係不佔空間，大小比一般手套細； 而且附有磁石可以痴上雪櫃，非常就手。（記得唔好放入微波爐一齊叮！） 優點二，雖然造型的骰可愛，但一般成人男性都有足夠空間放曬４隻手指，提供完整保護，矽膠既能隔熱亦可以防滑，比一般既隔熱手套更安心。 優點三：矽膠製防水亦可以清洗，唔似得一般既棉花手套一旦污糟左要清洗都特別麻煩。以上三個優點都係值得買既理由。至於缺點方面 …… 缺點一：只能用於微波爐。上面都講過呢一款隔熱手套只供微波爐用，如果係其他更熱既用具就無用武之地了。 缺點二：只能「夾」，不能「捧」。夾型設計雖然方便，但亦只用夾著碟邊、碗邊，遇上比較重既送菜或者需要先封保養紙再叮既野食，只能夾的話未免有點小擔心。 如果你係平時常用微波爐的話，呢一個小工具就相當實用，而且100円的話就算用途窄D都好都未嘗不是一個好選擇。 推薦分數：75/100 微波爐叮意粉盒（Can Do） 微波爐用品一不離二，另一個推薦商品為「微波爐叮意粉盒」。呢一款商品開發黎俾新一代既「微波爐單身貴族」，只需要用微波爐就可以整到100~150g既意粉，唔需要開火，加水、叮就有得食。 一個叮麵盒有齊煮麵需要既一切功能，有量麵器（100g及150g各一個）、 煮麵用既容器 到隔水篩功能齊全； 同樣只有一個功能，但一個塑膠盒可以搞掂整意粉既所有需求。如果你懶到一個點的話，仲可以直接將叮意粉器當碗用，加入意粉醬撈一撈就食得！ PS: 配搭上面既隔熱手套使用更加方便。 推薦分數：85/100 汽水加壓器（Can Do） 小編揀中呢一款汽水加壓器全因為自己飲野飲得慢，碳酸類的話一支500ml隨時飲一個星期，另一方面香港家庭多數都係2~3個人，一支1.5L可樂飲極都唔完。如果可以為可樂儲氣就再理想不過。 先決條件係只對應2種size：500ml及1.5L，其他size或者樽口直徑唔一樣既話就用唔著。 測試方法好簡單，準備一樽新可樂，加壓後睇下可唔可以捱得住。按照使用指南，將加壓器既樽蓋扭緊，然後裝上pump就可以開始打氣。 加壓要用人手，而且始終係100円店貨色，密封效果亦唔算好；朝早開蓋打氣一次之後放番入雪櫃，到下晝拎番出黎時已經無咩好淨。 密封效果同使用一般既樽蓋無咩大分別，而且要自己pump一大餐先得，實用度不高。 推薦分數：55/100 牛奶盒封口器（DAISO） 另一個飲品類100円商品係「牛奶盒封口器」！不論係細盒定大盒牛奶，只要盒身係倒Y屋頂型就適用。 使用方法好簡單，只要打橫順住牛奶盒既「屋脊」插入封口器就可以。透明設計可以俾你睇到賞味期限，而想要倒牛奶時亦非常方便，無須抽出整個封口器，只要打開蓋就得。 但記得留意呢一個只係「封口器」，並不是用黎密封牛奶盒用，所以要注意倒轉的話依然會漏奶； 另外就係呢個小工具既不密封，亦不保鮮，所以牛奶打開仍然要盡快飲用。呢個封口器既好處係如果你屋企有細路、寵物的話，多少可以有效防止打瀉牛奶或同類飲品； 另外雖然無防腐同保鮮用途，但多少可以防止成個雪櫃一櫃奶味，拎出拎入牛奶時亦比較方便安心。 推薦分數：70/100 除左料理用品，我地仲測試左幾款家居同辦公室用品，記得睇埋佢！ https://press.ikidane-nippon.com/hk/other-hk/28863 下載粹日本App，網羅更多日本資訊 iOS Android
去日本買野，平有平買、貴有貴買，小編無論係過去黎旅行實依家住響日本，最鍾意去既就係日本既100円店。 雖然香港都有10蚊店，不過日本100円店換款速度、商品數量、設計實用等等都要勝好幾籌，而且無論7算定8算，100円都要平過10蚊港紙，點有唔行唔買既理由！ 今次小編就去左DAISO（大創）以及Can Do為大家搜羅左一堆「助你生活更方便」既商品，唔單止真金白銀購物仲會為你實試，睇睇是咩真係有用，唔會浪費100円！ （PS: 小編其實都有去Seria，唔知係筆者唔好彩定去個間Seria太細，搵唔到一D值得買既實用野；雖然小編一直家用品設計方面Seria要贏9條街 ……） （PS2: 文中介紹的商品如無特別注明，售價均為稅前100円。不確保發售品牌所有分店均有售賣該商品，同時不保證商品會否因轉款、停售等原因而中止販賣） 我地仲有另外一篇「家居辦公室用品篇」，記得睇埋佢！ https://press.ikidane-nippon.com/hk/other-hk/28863 微波爐用矽膠夾（Can Do） 呢一款矽膠夾用途只有一個，就係響微波爐裡面拎野出黎時隔熱用。雖然使用矽膠製造，但官方說法就話只可以用於微波爐，明火、IH電磁爐加熱的話恕不適用。 佢既優缺點非常明顯；優點一係不佔空間，大小比一般手套細； 而且附有磁石可以痴上雪櫃，非常就手。（記得唔好放入微波爐一齊叮！） 優點二，雖然造型的骰可愛，但一般成人男性都有足夠空間放曬４隻手指，提供完整保護，矽膠既能隔熱亦可以防滑，比一般既隔熱手套更安心。 優點三：矽膠製防水亦可以清洗，唔似得一般既棉花手套一旦污糟左要清洗都特別麻煩。以上三個優點都係值得買既理由。至於缺點方面 …… 缺點一：只能用於微波爐。上面都講過呢一款隔熱手套只供微波爐用，如果係其他更熱既用具就無用武之地了。 缺點二：只能「夾」，不能「捧」。夾型設計雖然方便，但亦只用夾著碟邊、碗邊，遇上比較重既送菜或者需要先封保養紙再叮既野食，只能夾的話未免有點小擔心。 如果你係平時常用微波爐的話，呢一個小工具就相當實用，而且100円的話就算用途窄D都好都未嘗不是一個好選擇。 推薦分數：75/100 微波爐叮意粉盒（Can Do） 微波爐用品一不離二，另一個推薦商品為「微波爐叮意粉盒」。呢一款商品開發黎俾新一代既「微波爐單身貴族」，只需要用微波爐就可以整到100~150g既意粉，唔需要開火，加水、叮就有得食。 一個叮麵盒有齊煮麵需要既一切功能，有量麵器（100g及150g各一個）、 煮麵用既容器 到隔水篩功能齊全； 同樣只有一個功能，但一個塑膠盒可以搞掂整意粉既所有需求。如果你懶到一個點的話，仲可以直接將叮意粉器當碗用，加入意粉醬撈一撈就食得！ PS: 配搭上面既隔熱手套使用更加方便。 推薦分數：85/100 汽水加壓器（Can Do） 小編揀中呢一款汽水加壓器全因為自己飲野飲得慢，碳酸類的話一支500ml隨時飲一個星期，另一方面香港家庭多數都係2~3個人，一支1.5L可樂飲極都唔完。如果可以為可樂儲氣就再理想不過。 先決條件係只對應2種size：500ml及1.5L，其他size或者樽口直徑唔一樣既話就用唔著。 測試方法好簡單，準備一樽新可樂，加壓後睇下可唔可以捱得住。按照使用指南，將加壓器既樽蓋扭緊，然後裝上pump就可以開始打氣。 加壓要用人手，而且始終係100円店貨色，密封效果亦唔算好；朝早開蓋打氣一次之後放番入雪櫃，到下晝拎番出黎時已經無咩好淨。 密封效果同使用一般既樽蓋無咩大分別，而且要自己pump一大餐先得，實用度不高。 推薦分數：55/100 牛奶盒封口器（DAISO） 另一個飲品類100円商品係「牛奶盒封口器」！不論係細盒定大盒牛奶，只要盒身係倒Y屋頂型就適用。 使用方法好簡單，只要打橫順住牛奶盒既「屋脊」插入封口器就可以。透明設計可以俾你睇到賞味期限，而想要倒牛奶時亦非常方便，無須抽出整個封口器，只要打開蓋就得。 但記得留意呢一個只係「封口器」，並不是用黎密封牛奶盒用，所以要注意倒轉的話依然會漏奶； 另外就係呢個小工具既不密封，亦不保鮮，所以牛奶打開仍然要盡快飲用。呢個封口器既好處係如果你屋企有細路、寵物的話，多少可以有效防止打瀉牛奶或同類飲品； 另外雖然無防腐同保鮮用途，但多少可以防止成個雪櫃一櫃奶味，拎出拎入牛奶時亦比較方便安心。 推薦分數：70/100 除左料理用品，我地仲測試左幾款家居同辦公室用品，記得睇埋佢！ https://press.ikidane-nippon.com/hk/other-hk/28863 下載粹日本App，網羅更多日本資訊 iOS Android
