只不過「日式餐廳」其實同真正位於日本既餐廳響大事細節上依然有唔少分別，係要入過去食過野先至體驗得到！
今次粹日本就為大家整理左一D響日本餐廳中非常常見既小事物，唔知你又體驗過當中幾多？由排隊、入座，到點餐、用餐，究竟日本既餐廳有D咩咁特別？
排隊等位二三事
可以室內等位
雖然唔係所有餐廳都有咁既條件，但店面稍大的餐廳多數都會設有類似家居「玄關」一般的等位區，可以坐響室內等得舒服！極端天氣特別服務
小編都唔敢講係一年365日日日如是，但天氣熱時會向排隊長派水派茶，落雨的話亦見過店員向排隊客派遮。排隊排到「斷人龍」
自助食券機
選用食券機既原因不難想像，一來日本人口老化，要搵人打工愈來愈難成本亦愈來愈貴，而且可以有效防止點錯野食送錯餐，收錯錢呢D問題。
之但係人手不足等等所有類型既餐廳都會遇到，點解最普遍地引入食券機既只有拉麵同丼飯店？
如拉麵店為例，唔似得其他料理類型咁有咁多小菜、配菜選擇，主要係唔同配搭既拉麵，加上「替玉」、飲品以及小量既配料選擇就可以，較為適合。
另外據說唔少新開業既拉麵店會同樣選用食券機既原因係，過去修行既店鋪一樣有導入食券機，知其好處所以獨立後照用。甚至唔少新人會選用師傅店鋪同樣品牌型號既食券機添。 只不過傳統既食券機同樣有唔少缺點，更換選項花時間，亦不太適合連鎖店。而且外國旅客愈來愈多，機械式食券機的話加1、2種語言已經係極限。
新式食券機採用touch panel，大家依家去松屋、吉野家等鋪頭的話就可以見到。既方便展示多樣化選擇，要加新menu、語言同樣容易，只不過價錢就當然有差別啦！
如果有朝一日香港食肆都打算用食券機的話，小編最唔想引入食券機既一定係最近俾日本企業收購左米線專門店，如果無得聽「墨演山小啦」我仲去食黎做咩？（除非叫姐姐錄音入部機度啦）
無得搭台，獨食坐吧台更方便？
出典： ©Loro@tabelog
無加一無小費，但要俾「お通し」同「座位費」
然而睇落超級勻真既日本，其實都有一D「特別費用」。如果你去居酒屋類餐廳（包括串燒類），收費中通常會有一筆一人約400～500円既「お通し」，咩係お通し？其實即係「前菜」既意思，連鎖店的話常見會有毛豆、生高麗菜等等，稍為講究既餐廳就可能提供自製既小碟料理當作前菜。
咁有無得話唔要呢碟前菜想俾少D？唔好意思，就好似無服務既餐廳都會收你服務費咁，「お通し」係無得免既。當然日本人幾乖巧都好，都總會有人心生不忿唔想俾，而唔習慣既外國人亦可能俾得不情不願甚麼發生衝突，因此有小部份居酒屋亦會嘗試NOお通し，只係為數甚少而已。 「お通し」都要有野落肚，另一座更為離奇既收費係「テーブルチャージ」/「席料」，數人頭收你每位幾百円，for nothing。假如個一間係立食之主既餐廳，你想有得坐舒適D，咁收番少許座位費都叫合理，然而日本餐廳既座位費並不是這樣一回事。咁有無得話我願意企唔好收我錢？
Sorry 無，硬食啦。
一人一份是基本
各處鄉材各處例，香港人不論係顧客定店家都習如為常，二個人點一個餐/一份甜品，三個人點2份+一杯野飲，即使唔係坐得特別耐，其實一樣損壞人地生意環境。
用之不盡的即棄筷子
響香港使用即棄木筷、竹筷多數都係外賣，堂食的話用一次性食具既食肆已經買少見少。日本則是從古至今，筷子＝即棄木筷既約定俗成就無變過。
日本國內產的即棄木筷使用既原材料為「間伐」時，即為了確保樹木間有足夠空間而砍伐的樹，所產生既多餘木材。因此過去日本國內產既即棄木筷其實有環保的一面。
然而現時日本國內使用既即棄筷子中逾9成係輸入品（當中尤以中國產為主），不論係木材來源、生產、運輸時所費能源等，都係對環境既負擔。
要飲水自己行去倒
有一部份餐廳會響台上放上樽同水杯，亦有餐廳會再進一步只於店內放一部水機，全世界想要斟水的話就要自己行去倒！
理由當然一樣係節省人手，只不過不時見到唔習慣既外國遊客，坐耐一耐都無水，因為無標示唔理解水原來要自助，結果食足一餐水都飲唔到一滴 ……
煙民有福了？仍未全面禁煙的日本餐廳
亦有食肆會設置「吸煙室」，客人可以入去小休片刻，快活過後出番黎繼續食飯。另一種常見做法就係響店外放置煙灰皿，想食煙既就要出去好天曬落雨淋。
想知道多D作為有咩特別？睇呢度：「吸煙者大國」日本既食煙二三事
室內禁講電話
最主流既講法係餐廳內聽電話的話會破壞氣氛、影響到其他客人，高級餐廳當然講得通，響居酒屋、快餐店用餐的話對話聲量、音樂音量遠高於聽講電話，又是否有需要離場解決？
主流日本人仍然一致地會離座先聽電話，不過網上一樣有討論表達正反立場，只不過日本民族性特別在意他人觀念，而且隨眾傾向較重，應對方法通常只有一種，鮮有見到各自判斷的情況出現。
總結
正如去到澳牛就要守番澳牛既規矩，去到日本食人地當地餐廳的話自然要守番日本人既準則。睇曬上面所講既日式做法，就算係初體驗都唔會手忙腳亂唔知點做！下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
