去日本成性既大家，應該有留意到日本酒店、旅館洗手間裡面除左有超舒服超好用既washlet之外，仲有一個日本先見得到既現象。 下圖一般摺成三角形既廁紙大家只要住過日本既酒店就一定見過，即使響日本國內對呢種文化既起源都有唔同解說，你又有無聽過？

一種說法係摺成三角形代表打掃結束既意思，呢種文化最初源自酒店業，打掃後要將廁紙摺成三角形，代表廁所清潔乾淨，而且無其他人用過。

另一種說法係三角摺法來源自一間銀座酒吧，酒吧既媽媽桑將廁紙摺成三角形，方便客人取用以外亦有「逆富士」之意，實用之餘外型亦好看。

外國人討論三角廁紙時，較常聽到既其實係第二個說法，亦會加上「Omotenashi」之意，將呢一種三角廁紙包裝成待客至誠既一部份。 近年日本國內出現一個形象，如廁者不知就裡將用過既廁紙重新摺成三角形，咁樣做的話既失去左三角形=廁所剛清潔好既意思，如廁中人未洗手就去摺紙，只會散布污物有害無益。 下次大家見到酒店摺好既三角形，就明白呢種服務背後既意思啦！

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格