每個地方都有屬於自己既本土發酵食品，香港最為有名既當然係鹹魚同腐乳，日本既發酵食品同樣唔少，除左有日本國內各地不同既味噌、從發酵食物發展出黎既壽司之外，同樣有名既仲有「納豆」。
納豆的歷史
日本國內記錄中最早出現納豆一詞，是11世紀中葉的《新猿樂記》，不過文中記載既「納豆」與現代日常生活中作為常見食品，攪拌後食用，能夠拉出細絲既「糸引き納豆」（拉絲納豆，下文「納豆」均指此類）是否同一食物則未有定論。
至明治時代為止，納豆都係使用自然發酵方法，以藁苞包裹煮過既大豆，置放於合適的溫度（30~45度）、濕度，等待約1至2日即可。而明治時代起以開始出現對納豆的科學化研究，繼至成功培養出納豆菌，開始出現工場生產的納豆。
依家提起納豆，不論日本人定外國人都會認為係可以代表日本既國食，其實納豆至60年代為止都算唔上係流通全國既一般性食品，而係特定地區經常食用既「土產」。直至冷藏運輸技術普及將納豆帶到日本全國，先至開始出現普遍性既納豆食用風俗。
納豆的功效
納豆除左好味（見仁見智啦）之外，亦係含有豐富營養既食材。除左同一般大豆製品一樣含有豐富白蛋質、食物纖維外，納豆經過發酵使其富含維他命B2、K2，含量分別係普通大豆既6倍及86倍！納豆哪裡買？
要響日本買到納豆一d都唔難，難就難在作為旅客唔會日日早餐食納豆，而超市、便利店發售既納豆通常都係一set3、5小盒咁發售，如果只係想買一包試一試味既話可以去邊度？
小編認為最方便既方法莫過於去日本既「松屋」、吉野屋呢一類丼飯店，約80~100円左右就可以加一份納豆，簡單快捷！而且最適合既就係淺嘗，又唔需要洗碗，亦無需要忍收垃圾桶內既異味，perfect！
高難度挑戰納豆入饌
納豆平時一般係就咁食，或者放上白飯當成配菜享用。但係
日本國內非常有名既即食麵品牌「ペヤング」就曾經推出過納豆味，仲首創出乾燥納豆，超級簡單一落就食得！（劣食呀劣食）
另一個將納豆「妥善運用」既料理係納豆意大利粉，煮法好簡單，只要將一份發好既納豆達落意粉上面就得，簡單好味（？）！
納豆多士既原理同上面既其他納豆料理差唔多，其實都係將發好既納豆放上多士上面再ling去焗，就可以得到一塊又有營養又好味既納豆多士。 如果你想挑戰一下自己廚藝，而唔係納豆+〇〇〇就當係一道料理的話，可以試下整下面既山形冬天鄉土料理「納豆汁」
另一個可以自己挑戰既納豆料理係「納豆巻き」，同一般既壽司捲一樣整法，不過要將軟身又易散既納豆並不容易，大家有空可以挑戰 ……
納豆工房せんだい屋
(出典：IDぴょん吉@Tabelog)
點「攪」先好食？
納豆要好食就一定要攪，但係要點攪先好食？以下係諸多講法既其中一種，大家可以參考完後試驗自己認為最好味既攪法！
1) 先解凍後攪；冷藏狀況時納豆菌會失去活性，先等待納豆菌回復活性的話除左可以增加納豆內既維他命C含量外，亦可以增強納豆最重要既粘性。
2) 攪拌400次；有納豆愛好者做過研究，比較攪拌50、200以及400次既納豆，發現400次既納豆含有最多美味成分（旨味），同時繼續攪拌係無法有效地增加美味，因此得出最好味既納豆係攪拌400次！
3) 美味UP！每攪100次落醬油：100次只係一個約數，大量每攪100次落少少醬油後繼續攪，可以再度提升納豆既美味程度。 至於其他「藥味」，例如蔥、白蘿蔔蓉、紫菜等等可以響臨食用前加入，稍為攪拌即可。
下載粹日本App，網羅更多日本資訊 iOS Android
