日本人的水果時尚：水果三文治「Futsu ni Fruits」

又係時候準備去日本，但又唔知有咩新野玩、新野食？粹日本小編為你搜羅今期最流行日本人氣新野，帶俾你新體驗，唔駛次次都去松屋！

今期為你介紹既係廣受日本人歡迎既水果三文治專門店「Futsu ni Fruits」（フツウニフルウツ），想知有咩魅力、邊度有得食就要睇落去！

就係水果咁簡單

店名「Futsu ni Fruits」日語意思係「只不過是水果」，當然呢一種係日式自謙表現，想表達既係將水果本來既美味帶俾客人。

「Futsu ni Fruits」於代官山及鐮倉各有一間分店，不過1號店代官山官只營業至19年5月底，之後想食就暫時只能去較遠既鐮倉。

「Futsu ni Fruits」每天有5、6款唔同既三文治，當中有招牌二文治常年買得到，亦有使用當時得令水果，季節限定既款式，想知道今期有咩特別款式？去門市就一清二楚！

之前小編去採訪時就試左No.1 Best seller 、春季季節限定等三款，睇睇咁正既水果三文治究竟係點整出黎既！

代官山門店裡面就係廚房，三文治都係每日鮮製，不單水果就連麵包等等都係最新鮮！

呢一款係鋪頭最人氣既「Futsu ni Fruits」，一份三文治就可以試過多種唔同新鮮水果。當中接受採訪既松田店長首先準備好要用既水果；

特製麵包含水量較少，特意訂製配搭富含果汁既水果。上面搽上生忌廉以及馬斯卡彭芝士襯托。

每一份三文治都係人手製作，近年大家都流行相機食先、呃like，想要做到又好味又好影，就要靠店員認真排好水果先得。

切走面包邊，係時候俾大家睇睇橫切面！登登登登！每一啖都食到水果香味既「Futsu ni Fruits」誕生啦！唔好以為整一份水果三文治就係mik下皮切下水果就得，所謂既「就係水果咁簡單」重要在於俾客人品嘗到水果既好滋味，有時候工夫遠超你想像！

好似佢地另一款「Double Apple」就係鮮蘋果同肉桂煮蘋果梅花間竹地排列，當然肉桂蘋果一樣係店內自家製！

至於季節限定就真係要睇彩數，好似春季就有草莓大福三文治，以日本和菓子既草福大福為原型，士多啤梨外多加一層紅豆蓉，灑上些少鹽調味，別有特色！

所有三文治都係即日鮮製，保質期只有一日（當日），買完即場食又得，帶走返酒店先食又得！記往時間唔等人，相機食完之後就要開餐！

(翻譯：請即日享用) 現時「Futsu ni Fruits」共有2家分店，分別係位於代官山既總店以及位於鎌倉車站前面既「鎌倉站前販賣所」，想食由新鮮質優水果製作既水果三文治的話，就要mark低下面既店鋪資料，下次黎東京玩時放入行程表！

總店（現時以美食車形式營業） 營業時間、地點：https://www.instagram.com/futsuunifuruutsu/ 網頁：http://www.bread-espresso.jp/shop/fruits.html

鎌倉站前販賣所 地址：神奈川県鎌倉市小町1-3-4丸七商店内（MAP）營業時間：10：00～18：00 定休日：無網頁：http://www.bread-espresso.jp/shop/fruits_kamakura.html

大阪店（預定19年11月11日開業） 地址：大阪市西区土佐堀1丁目1-30 b.NAKANOSHIMA（MAP）營業時間：10：00～19：00（預定）定休日：無網頁：暫缺

下載粹日本App，網羅更多日本資訊 iOS Android