日本手信中藥妝從來都咁受歡迎。日本既化妝品市場非常發達，而且品類豐富、設計功效俱佳，又切合香港人既需要，即使要不時返鄉下入貨大家依然買唔停手。今次粹日本就為大家帶黎一D較為特別、少見既日本化妝品美容品，下次黎玩時不妨買黎試下！
蒟蒻泡泡(蒟蒻しゃぼん)
雖然睇落似一粒大啫喱，呢一舊係用蒟蒻為原材料製作既番鹼。蒟蒻本身就係一種有益健康既食材，用黎整番鹼有咩特別？睇以下影片了解一下！
購買途徑 Asakusa Konnyaku Shabon 地址：1-18-12 Asakusa, Taito, Tokyo (於鎌倉另有分店)
炭酸泡泥面膜 (炭酸泡の泥パック)
炭酸面膜其實唔係起源自日本，相反最初係響韓國起家。打開包裝之後搽上面就得使用簡單。小編實際使用覺得效果唔錯，據說面膜中既炭酸泡可以有助去污及營養滲透。
購買途徑 各大藥妝、日用雜貨店如東急Hands、LOFT
金箔面膜(金箔フェイスパック)
呢一款金箔面膜係由專門生產天然美容產品既日本公司Makanai推出。使用24K金箔據稱可以讓你保持臉部皮膚光澤。價錢唔平如果想要先試試效果的話，可以選擇小片裝（約1,000円）。
購買途徑: Makanai各門市
檜泥炭石洗顏番鹼 (ひのき泥炭石洗顔せっけん)
純天然以碳精華為主既洗顏番鹼。一打開包裝就可以聞到檜木既香味，據說有助放鬆精神，有唔少日本人鍾意使用有著檜木香既入浴產品。據知呢一款番鹼可以有助紓緩輕度炎症、損傷。
購買途徑 各大藥妝、日用雜貨店如東急Hands、LOFT
無印良品壓縮面膜紙 (ローションシート)
無印有幾出名幾多人買幾多人奉為神品牌實在無須多講，只要將面膜紙浸入爽膚水中即可使用，方便方捷
購買途徑 無印良品
下載粹日本App，網羅更多日本資訊 iOS Android
