熊の手信
登別熊牧場熊公仔
提到登別既熊手信，首先不可不提既當然係登別熊牧場。熊牧場內有一個可以免費入內既手信店，裡面當然係以熊手信為主！ 如果想買D野食以外既熊手信既話，個度就有各種不同大小、顏色設計既熊公仔，買黎自用又得，送俾鍾意熊仔既朋友亦得；得左！
熊饅頭（熊まんじゅう）
雖然叫做「熊饅頭」，但係材料上係完全無熊既元素，只不過係登別有熊牧場，而熊牧場則係為左保養當年既熊而建，因緣際會下就出現左「熊饅頭」呢款商品。 餡料同樣係定番既北海道紅豆，常溫食用又得，用微波爐叮15秒，放一小塊牛油入去的話又係另一種食法！
蝦夷熊笹茶（えぞ熊笹茶）
呢度既「熊笹」其實係指一種名為熊笹既竹葉，將呢一款富有營養既竹葉製成茶後就變身北海道登別特有手信！ 只要加水沖開就可以飲用既茶粉裝，方便快捷，而且味道溫和又舍有食物纖維，不論係手信誠意度定健康度都超班！鬼の手信
鬼傳說地啤酒(鬼伝説シリーズ地ビール)
地啤酒即係當地釀造本地生產既啤酒，同香港叫既「本土啤」差唔多意思。登別既本土啤用上最為有名「鬼」形象，日本既惡鬼有分紅藍色，呢一款鬼傳說啤酒有樣學樣用鬼既顏色區分唔同味度！ 紅色既係「赤鬼Red Ale」，將愛爾蘭發祥既Red Ale調整成合適日本人味覺既日式Red Ale啤酒；而藍色係「青鬼皮爾森啤酒」，啤酒花落得較重口，因此其苦味亦較為明顯。「金鬼愛爾淡啤酒」就當然係啤如其名，顏色較一般啤酒要淡。
登別閻魔拉麵(登別閻魔ラーメン)
不單係（魔）鬼，仲要係「閻魔」，一睇就知係又辣又刺激！ 只要跟著包裝上面寫既料理方法，就可以整出一碗地獄血海色既辣拉麵，放上自己鍾意既配料，響香港都可以食得番日式地獄既滋味！
