夏天黎日本有咩好做？食刨冰、去祭典呢當然係例行公事，你又知唔知道每一年響橫濱都會有期間限定既「比卡超大量發生中！」活動？ 你睇下港未來站呢隻超大型吹氣比卡超！

大人細路都鍾意，得意又實用既比卡超遮陽帽，收藏價值遠大於實用價值（笑）。

跟著大家排隊，可以攞到一把限量紙扇；今年首次出現既伊貝當然係人氣第一！（對唔住呀比卡超帶唔到你返屋企！！）

要睇比卡超記得一定要到橫濱皇后廣場，由入口開始就係比卡超祭典！

同其他觀眾一齊等待比卡超出場！

多達20隻比卡超一齊登場，全場大叫「kawaii！！」

睇完比卡超既表演，跟著人流行去橫濱地標紅磚倉庫，途中會見到下圖既超大型比卡超同伊貝，準備好相機！

紅磚倉庫出場既係今年首次現身既「伊貝」，長耳仔仲有一束毛毛響心口，好好好可愛呀！

睇下影片感受伊貝既可愛迫力！

伊貝，使出「跳躍」攻擊！敵人被萌死了！

退場前伊貝們一起鞠躬，真係太太太可愛啦！

行番去港未來，又被我發現更多可愛比卡超；

比卡超們坐著遊船同我地打招呼，希望佢地唔會漏電啦。

夏日既橫濱就好似變成全比卡超POKEMON GO咁，行到去邊都可以見到呢隻黃野既蹤影。

今年既比卡超大量發生中已經係第五年舉行，每一年都有新花樣，唔知下年又會有咩特別活動，有無得意過伊貝既新小精靈登場呢？ 錯過左今年既橫濱比卡超大量發生中？夏季期間東京各地都有寵物小精靈既期間限定活動，有心唔怕遲，睇呢度check下點參加！

---

下載粹日本App，網羅更多日本資訊 iOS Android