粹日本民調系列：6000~10000円東京一日遊！

粹日本港版小編知道大家有幾鍾意黎日本旅行，亦知道大家平時搵得唔多，不知幾想將一蚊分成兩蚊用，響日本可以盡情玩、盡情食！早兩個星期小編響「粹日本旅遊情報谷」做左個小小民意調查，俾大家選擇一個budget，然後由小編為大家砌一個一日遊計劃。

（btw想入谷請去呢度：粹日本旅行情報谷，今日起有民調第二彈！）結果係「6000~10000円」以壓倒性多數跑出。既然如此就事不宜遲，跟著下面既行程黎一個稍為豪華既trip啦！先講講今次既設定，二人行一男一女，興趣都係最多人鍾意既食好野食新野、行下街買下野，去下景點玩下遊戲咁。至於佢地究竟係咩關係，就任大家自行腦補。希望大家幾時睇呢個一日遊都可以參考，小編無加入季節性活動，除非商場改修鋪頭執筮，否則一直有效。

9:30 起床梳洗@IKIDANE HOUSE 浅草旅籠

去日本既可以選擇住酒店，想要體驗一下日式住宿的話可以選擇旅館，如果唔想駛太多錢的話則可以選擇民宿、hostel。

今次小編就選擇左響淺草出發，順便宣傳下自家營運既「IKIDANE HOUSE 浅草旅籠」，一句講曬就係民宿錢旅館體驗！想知有咩好：【民宿價錢日式旅館體驗！「IKIDANE HOUSE 浅草旅籠」全新開幕！】火速預約：http://www.booking.com/hotel/jp/ikidane-house-qian-cao-lu-long.html?aid=1414021&no_rooms=1&group_adults=1&label=ikidane

資訊

地址：東京都台東区千束4-27-6 房間數：獨立客房（30間）、膠囊房間（16間）房間類型：2人和室、3人和室、單人間、普通雙人間、膠囊間

費用：+0円（住宿費用不包括在內）交通：+0円（步行至下一景點） （TOTAL: 0円）

10:00 網羅日本各地商品@まるごとにっぽん

行程預你一日最少三餐，即使係一個輕食早餐都唔會求其。今日既第一個景點係雷門附近不遠既「「まるごとにっぽん」。商場名「まるごとにっぽん」即係將日本各地製品全力網羅既意思，響呢度可以搵到日本唔同地方既特產，邊看邊睇唔同既製品點樣展示日本特色。

タムラファーム（@tamurafarm_asakusa）分享的貼文於 PDT 2018 年 7月月 23 日下午 6:59 張貼

一樓有售賣各種不同既地方美食，早餐可以食得light D，買個青森蘋果批又得，或者飲一杯水龍頭蜜柑果汁又得！

@yokoblack 分享的貼文於 PDT 2018 年 8月月 4 日下午 5:53 張貼

食完野可以向上行，二樓為日用品、手工藝術品，三樓則有不定期展覽活動等，唔同時間去每次都有驚喜！有時候仲會有早市，記得唔好錯過！

btw記得食咩都好，唔好買飯糰！行程裡面有「東京最古老飯糰店」架！

資訊

地址：東京都台東区、浅草２丁目６−７營業時間：10:00~20:00 HP: https://marugotonippon.com/

費用：+1000円（輕食早餐、購物）交通：+310円（乘鐵路由淺草至東京站） （TOTAL: 1310円）

12:00 北海道迴轉壽司名店根室花丸@KITTE

去日本點可以唔食壽司？米芝蓮星級壽司就算book到都要2、3萬yen一位，迴轉壽司既質素同香港想比又唔算差別好大，點揀好？今次推薦呢一間「根室花丸」來自北海道最東既魚鄉「根室」，使用既食材係直接從魚港新鮮採購，一般壽司店食得到既指定魚鮮當然不在話下，仲會不時限時限量提供市面少見既稀有魚貨！

Jerry Ho（@iamchiliho）分享的貼文於 PDT 2018 年 7月月 2 日下午 9:01 張貼

雖然係迴轉壽司但氣氛一流，可以睇著師傅捏壽司，又可以參與不定期舉行既促銷，CP超高！

價錢依然係回轉壽司水平，最好既野食多食少食平食貴豐儉由人！

資訊

地址：東京都千代田区丸の内二丁目7番2号 KITTE 5樓營業時間：星期一至六 11:00-23:00 / 星期日及假日11:00-22:00 官網: http://jptower-kitte.jp/shop/509.html Tabelog：https://tabelog.com/tokyo/A1302/A130201/13153777/

費用：+1500円（午餐）交通：+0円（步行至下一景點） （TOTAL: 2810円）

13:00 行街+免費博物館@KITTE 或觀光@皇居

頭先行過集合日本各地精美商品既「まるごとにっぽん」，食完壽司後可以響KITTE裡面繼續window shopping，而小編行程既下一個目的地係位於KITTE內，由日本郵政（即KITTE營運單位）同東京大學聯合營辦既博物館「IMT」，還面既常設展覽包含大量東京大學創學以來逾百年既收藏品，而不定期舉辦既展覽、活動則各有不同主題，不論係大人定細路都一樣適合。

在 Instagram 查看這則帖子

Giulia Cattaruzza（@giulia__cat）分享的帖子於 PDT 2018 年 4月月 27 日 7:20 下午發佈

KITTE所在地旁邊就係皇居，如果你想離開一下商場，去外面行下，參觀一下日皇居所的話，可以選擇皇居OPTION。皇居東御苑參觀無須預約，只要在開放時間前往即可。另一方面「皇居一般參觀」則需要預約或當天提前取籌；

每日分為2個時段，分別為上午10時及下午1時30分。如果網上已滿額的話也可以嘗試當日取籌，或只到不用預約的東御苑。（留意13:30既皇居一般參觀需要約2小時，記得調整之後既行程）

資訊

地址：東京都千代田区丸の内二丁目7番2号 KITTE（KITTE）東京千代田1－1（皇居）皇居一般參觀預約：https://sankan.kunaicho.go.jp/register/place?locale=en

費用：+0円（免費參觀 / 行街）交通：+200円（TOKYO METRO二重橋前站至明治神宮前站） （TOTAL: 3010円）

15:30 原宿回轉甜品@Cafe Ron Ron

mion（@miondayooo）分享的貼文於 PDT 2018 年 7月月 16 日上午 3:46 張貼

7月16日最新開業既回轉甜品「Cafe Ron Ron」，賣點當然唔單止係將甜品放上回轉帶咁簡單，1800円（連稅）有40分鐘甜品放題加一杯野飲，每一碟甜品都係MINI SIZE，多食幾碟唔滯又易回本。

♡Mary♡（@maryberrii）分享的貼文於 PDT 2018 年 7月月 23 日上午 8:33 張貼

唯一要小心係新開張人氣高，即使係平日都要排長龍，如果你上一個景點係選擇響KITTE內shopping、行下博物館的話，可以考慮早少少過黎原宿。另外留意今年日本經歷罕有大暑，記得隨身準備飲品！另一方面如果你上一餐既壽司未完全落格，又或者覺得無謂排咁耐隊的話，亦可以考慮其他原宿area既甜品：「唔會溶既雪糕？」係真唔係呀？

資訊

地址：東京都渋谷区神宮前6-7-15 營業時間：11：00～20：00 （LO 19：00）官網：http://cafe-ronron.com/

費用：+1800円（40分鐘甜品放題）交通：+170円（都營地下鐵明治神宮前站至新宿三丁目站） （TOTAL: 4980円）

17:30 最新VR體驗@新宿VR ZONE SHINJUKU

mah まー（@mah6h）分享的貼文於 PDT 2018 年 7月月 14 日上午 5:41 張貼

香港可能都有得玩VR，但想要玩到MARIO CART、EVA、勇者鬥惡龍等等大作遊戲，就要黎日本！今次行程安排使用「平日5點後限定」優惠門票，包3次遊戲（部份遊戲須另外購票）。而網上預約的話比當天買平少少，而且預約優先即場飛要睇彩數，識玩既你當然知點做！

VR ZONE SHINJUKU（@vrzone_shinjuku）分享的貼文於 PDT 2018 年 7月月 20 日上午 4:58 張貼

VR呢家野要親身體驗過先知有咩咁特別，想要知「預期效果」的話可以睇睇上面既實玩以及下面既廣告。

資訊

地址：東京都新宿区歌舞伎町1-29-1 預約：https://webket.jp/pc/ticket/index?fc=00366&ac=0000 官網：https://vrzone-pic.com/shinjuku/en/ https://unwire.hk/2017/07/14/vrzone/japan-gadget/

費用：+3300円（網上預訂平日下午5時後門票）交通：+0円（步行至下一個景點） （TOTAL: 8280円）

19:30 小休片刻冧下女伴@NeWoMan

NeWoMan為前年配合新宿站改建時開業既中型商場，地點就響新宿站新南口對面，同上一個景點（VR）亦只係一站之隔。雖然商場叫「New Woman」，本來概念亦係針對女性客人為止，但裡面既店鋪並非清一色賣女裝、手飾，亦有唔少適合男性同胞，或者一家大小、情侶一齊行既鋪頭。

Tokyo Coffee（@tokyo.coffee）分享的貼文於 PDT 2017 年 4月月 11 日上午 7:26 張貼

除此以外，商場內同樣有唔少輕食，當中首推既當然係近年大熱，來自美國既BLUE BOTTLE COFFEE！買番杯咖啡休息一下啦！ 編外情報：FLIPPERS STAND 行程之中從新宿返淺草會搭JR，呢度介紹既FLIPPERS STAND係今年年中新開既FLIPPERS PANCAKE新型態甜品，只限外賣無得堂食，而且店鋪響新宿站站內，所以唔係搭車都幾難買到。

資訊

地址：東京都新宿區新宿4-1-6 營業時間： 1F - 4F, 7F: 11:00 - 21:30 2F Food Hall: 7:00 - 28:00 2F 站內設施 : 平日/8:00 - 22:00　　星期六・日・節日/8:00 - 21:30 官網：https://www.newoman.jp/zh-tw/

費用：+500円（小食）交通：+340円（JR及TOKYO METRO從新宿站至淺草站） （TOTAL: 9120円）

20:30 東京最古老飯糰店@宿六

創立於昭和29年（1954年），人稱「東京最老飯糰店」，現時既店主三浦洋介先生已經係第三代現時宿六午市及晚市分別由店主（午市）以及佢媽媽（晚市）主理，今次行程安排食飯糰當晚餐，就認真係食到日本既「媽媽的味道」！

宿六既飯糰由280円起，價錢話就話係便利店一倍，但份量、心機又點係一倍價錢分別咁少？當然要留意食材同樣係經典風格，吞拿魚沙律、炒飯飯糰等恕不供應。

資訊

地址：東京都台東区浅草3-9-10 營業時間：午市 11:30～17:00 / 晚市 18:00～翌日2:00(食材售完即止) 官網：http://onigiriyadoroku.com/ Tabelog：https://tabelog.com/tokyo/A1311/A131102/13024859/

費用計算：+800円（晚餐） （TOTAL:9920円）

如果你仲未超支: 24小時營業激安殿堂@淺草

玩足一日係時候返「IKIDANE HOUSE淺草旅籠」休息，如果你既今日預算仲有少少剩，何不去激安殿堂買手信，或者買少少野飲野食返去吹水夜話？淺草既激安殿堂24小時營業，不論係食物、飲品、手信定各種免稅電器化妝品都可以響度買得到。為免大家買到超支，記得用IKIDANE APP提供既激安殿堂COUPON！下載APP立即可用。 iOS Android 今次既小編定製行程全日洗左9920円成功無超支（鼓掌！），主要以玩新野食新野為主，至於購物方面小編心知大家另外有shopping預算就無謂加入太多購物安排。希望呢個日程可以幫到大家作為參考，下次黎東京唔會呻無野做！

下載粹日本App，網羅更多日本資訊 iOS Android

粹日本民調系列：6000~10000円東京一日遊！

9:30 起床梳洗@IKIDANE HOUSE 浅草旅籠

資訊

10:00 網羅日本各地商品@まるごとにっぽん

資訊

12:00 北海道迴轉壽司名店根室花丸@KITTE

(出處：hyy1127@Tabelog)

(出處：サトウちゃん@Tabelog)

(出處：oishiitabi@Tabelog)

資訊

13:00 行街+免費博物館@KITTE 或觀光@皇居

資訊

15:30 原宿回轉甜品@Cafe Ron Ron

資訊

17:30 最新VR體驗@新宿VR ZONE SHINJUKU

資訊

19:30 小休片刻冧下女伴@NeWoMan

資訊

20:30 東京最古老飯糰店@宿六

(出處：フォーリンデブはっしー@Tabelog)

(出處：フォーリンデブはっしー@Tabelog)

資訊

如果你仲未超支: 24小時營業激安殿堂@淺草

粹日本民調系列：6000~10000円東京一日遊！

9:30 起床梳洗@IKIDANE HOUSE 浅草旅籠

資訊

10:00 網羅日本各地商品@まるごとにっぽん

資訊

12:00 北海道迴轉壽司名店根室花丸@KITTE

(出處：hyy1127@Tabelog)

(出處：サトウちゃん@Tabelog)

(出處：oishiitabi@Tabelog)

資訊

13:00 行街+免費博物館@KITTE 或 觀光@皇居

資訊

15:30 原宿回轉甜品@Cafe Ron Ron

資訊

17:30 最新VR體驗@新宿VR ZONE SHINJUKU

資訊

19:30 小休片刻冧下女伴@NeWoMan

資訊

20:30 東京最古老飯糰店@宿六

(出處：フォーリンデブはっしー@Tabelog)

(出處：フォーリンデブはっしー@Tabelog)

資訊

如果你仲未超支: 24小時營業激安殿堂@淺草

13:00 行街+免費博物館@KITTE 或觀光@皇居