居酒屋係日本非常重要、獨特而有趣既文化，除左可以一間鋪頭飲到各種和、洋酒品外，仲可以食到無數種既佐酒小菜。日本上班族去飲酒（兼訴苦），外國旅客可以品嘗到日本料理以及平民餐廳既氣氛，係你到日本時不可不去既地方。 而居酒屋成行成市之下，要突圍而出就要能人所不能，做出差異做出特色，呢一間位於橫濱既居酒屋就兼具「價廉物美」以及「新奇有趣」，一次滿足你既口腹之慾以及觀光好奇心！ 全品300円有無咁抵呀？ Byらんらんchan @ Tabelog 你無聽過，全品（所有食物、飲品）均一價300円（加8%消費稅，部份料理除外），邊飲邊食盡興而歸都係2000円有找，而且食物質素有保證，唔敢話比得上1000円一碟既高級居酒屋，但物超所值，中價位鮮有敵手！ By たく＠ドロレス @ Tabelog 台台都點「吞拿魚層層疊」 究竟有咩好食就要由你自己發掘，今次為大家介紹既主菜係每台必點既「吞拿魚層層疊」，先唔好講價錢同樣係300円，而且睇睇下面規則就知道有幾「賣大包」！ ● 每台不論人數限點一份、限點一次 ● 限時5分鐘（或自願放棄） ● 時限內即使跌肉都可以繼續（當然唔可以浪費啦） ● 疊幾高都得，全部都係你既 簡直係 ……跳樓價！有得玩有得食咁著數，當然要嗌啦！ 價錢平也好，絕不欺客，大大盆吞拿魚赤身上台，新鮮唔會有怪色怪味，而且魚塊有大有細唔會出術。 粹日本小編挑戰全記錄 對砌野疊野有番兩道板斧既小編P秘笈：四四正正大大塊既放下面，用細塊填好坑洞就等於打好地基，唔會沉降！ 下一步係上水泥，呀唔係，係用薄片盡量疊平，等上面再放都唔會變吞拿斜塔； 切忌用剪短左既吞拿魚做鋼根，有番咁上下分量、大細既方塊放中間先有助穩定； 時刻確保重心響中間唔可以越界，重複上兩步就可以慢慢疊高 最後成果可以有成部iphone 7咁高，三個小編去取材，三人分享夠有突！ 厚肉、鮮甜，唔會死實一陣雪味，質素有保證！ 店鋪資料 店名：魚参 横浜西口店 地址：神奈川県横浜市西区南幸2-8-21 板場ビル 2F 營業時間：17：00～4：00（L.O.3：00） 休息日：無休 TABELOG：https://tabelog.com/kanagawa/A1401/A140101/14047773/ 下載粹日本App，網羅更多日本資訊 iOS Android
居酒屋係日本非常重要、獨特而有趣既文化，除左可以一間鋪頭飲到各種和、洋酒品外，仲可以食到無數種既佐酒小菜。日本上班族去飲酒（兼訴苦），外國旅客可以品嘗到日本料理以及平民餐廳既氣氛，係你到日本時不可不去既地方。 而居酒屋成行成市之下，要突圍而出就要能人所不能，做出差異做出特色，呢一間位於橫濱既居酒屋就兼具「價廉物美」以及「新奇有趣」，一次滿足你既口腹之慾以及觀光好奇心！ 全品300円有無咁抵呀？ Byらんらんchan @ Tabelog 你無聽過，全品（所有食物、飲品）均一價300円（加8%消費稅，部份料理除外），邊飲邊食盡興而歸都係2000円有找，而且食物質素有保證，唔敢話比得上1000円一碟既高級居酒屋，但物超所值，中價位鮮有敵手！ By たく＠ドロレス @ Tabelog 台台都點「吞拿魚層層疊」 究竟有咩好食就要由你自己發掘，今次為大家介紹既主菜係每台必點既「吞拿魚層層疊」，先唔好講價錢同樣係300円，而且睇睇下面規則就知道有幾「賣大包」！ ● 每台不論人數限點一份、限點一次 ● 限時5分鐘（或自願放棄） ● 時限內即使跌肉都可以繼續（當然唔可以浪費啦） ● 疊幾高都得，全部都係你既 簡直係 ……跳樓價！有得玩有得食咁著數，當然要嗌啦！ 價錢平也好，絕不欺客，大大盆吞拿魚赤身上台，新鮮唔會有怪色怪味，而且魚塊有大有細唔會出術。 粹日本小編挑戰全記錄 對砌野疊野有番兩道板斧既小編P秘笈：四四正正大大塊既放下面，用細塊填好坑洞就等於打好地基，唔會沉降！ 下一步係上水泥，呀唔係，係用薄片盡量疊平，等上面再放都唔會變吞拿斜塔； 切忌用剪短左既吞拿魚做鋼根，有番咁上下分量、大細既方塊放中間先有助穩定； 時刻確保重心響中間唔可以越界，重複上兩步就可以慢慢疊高 最後成果可以有成部iphone 7咁高，三個小編去取材，三人分享夠有突！ 厚肉、鮮甜，唔會死實一陣雪味，質素有保證！ 店鋪資料 店名：魚参 横浜西口店 地址：神奈川県横浜市西区南幸2-8-21 板場ビル 2F 營業時間：17：00～4：00（L.O.3：00） 休息日：無休 TABELOG：https://tabelog.com/kanagawa/A1401/A140101/14047773/ 下載粹日本App，網羅更多日本資訊 iOS Android
