黎到日本唔少人都會去神社行下，或者去參拜一番感受一下日本當地宗教文化； 黎到神社另一樣必做既當然係購買御守保佑平安增進運勢！除左常見既御守外有唔少神社推陳出新， 推出造型特別又可愛既特色御守，今次小編就為大家介紹東京都內6家神社既可愛御守，按你需要（同喜好）入手啦！
神田神社
神田神社位於東京千代田區有著1300多年歷史，亦係每年7月中旬「神田節」既舉辦地點。
神田神社既得意御守係一隻造工精致既馬仔！不過要留意呢隻馬並不是保佑買馬，而係「交通安全」既御守，用古代交通工具既形象黎保佑你出入平安！
神田神社可以從秋葉原步行前往，從繪馬牆上就可以發現有幾多動漫fans會去參拜！
而神田神社因為有於《Love Live!》中登場，係作品聖地之一！
除左交通平安外，神田神社仲有「IT情報安全」、「工作」等等，超過60種不同御守！
詳情 地圖：https://goo.gl/maps/mxipjEbKiDM2 官方網頁：https://www.kandamyoujin.or.jp/
大宮八幡宮
大宮八幡宮始於1063年，以安產聞名。
御守上面有一隻細細既木狐狸。
除左安產御守外亦有祈願繪馬；
有無覺得呢個標誌好熟口熟面？呢一個係用來表示持有者懷孕既標記，凡係準媽媽都會收到同款既粉紅色心型鑰匙扣。
詳情 地圖：https://goo.gl/maps/rvKuPt2JJU12 官方網頁：https://www.ohmiya-hachimangu.or.jp/
東京大神宮
東京大神宮深受女性歡迎，保佑既係 ......姻緣！
呢一個鈴蘭御守（700円）設計精美，用黎做首飾都無問題。
繪馬上既紅白相間繩同樣係有著祝福感情既意思。
靈籤則設計成穿著和服既女孩子。
仲有血型靈籤！
東京大神宮御朱印！
詳情 地圖https://goo.gl/maps/ugZB65ZCpWL2 官方網頁：http://www.tokyodaijingu.or.jp/
鳩森八幡神社
呢間神社既代表動物係鴿（日語：鳩）
神社求得既靈籤綁好後就會變成可愛鴿子！
唔知點解繪馬上面既係雞而不是鴿 ......
神社內有一個高6米既「千駄谷富士塚」，據說只要登頂就同登上富士山山頂有一樣效果，信不信由你~
詳情 地圖：https://goo.gl/maps/v4JsmpF1zK82 官方網頁：http://www.hatonomori-shrine.or.jp/
金王八幡宮
澀谷俾人既印象就係人多、車多，實在無諗到澀谷十字路口附近就有一間咁莊嚴既神社！金王八幡宮以金運著名，唔想唔黎日本但又想買樓的話記得黎拜一拜！
另外亦有保佑平安既「一年安鯛」，日語中鯛、泰同音，玩食字保你「一生安泰」！
詳情 地圖：https://goo.gl/maps/TJAL2ZVFKKn 官方網頁：http://www.geocities.jp/ynycr674/English/englishindex.html
日枝神社
日枝神社既御守係一隻馬騮！
超級得意！
各種馬騮護身符任你選擇！
就連繪馬都一樣，而且上面留著既係代表安產既馬騮母子，可愛double！
日枝神社特別在於有著一列同京都伏見稻荷大社類似既千鳥居！
詳情 地圖：https://goo.gl/maps/BAkkFfRM96P2 官方網頁：https://www.hiejinja.net/
鷲神社
鷲神社位於淺草，係外國遊客經常前往既神社之一。每年十一月會舉行酉之市，可以買到保佑商業繁盛既熊手。
呢一度既可愛御守係一隻大肥貓！
靈籤可以從貓貓下面取出，至於貓公仔就帶返屋企做擺設啦！
詳情 地圖：https://goo.gl/maps/GzyBZof4LST2 官方網頁：http://www.otorisama.or.jp/
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
