響日本每逢要「簽名」（sign）就如臨大敵，因為當你習慣左響香港隨手拎起支筆畫隻龜就搞掂時，響日本你要確保自己手邊有 ......印鑑。 授權轉載自： www.marumura.com 最常用到印鑑既2個情況 日本人人生中最頻密要用到印鑑既場合有2個；第一個係同銀行有關既一切，存、取款、開戶等等通常都要用到印鑑。第二個場合係出黎做野時，小至交張receipt都要用到印鑑。簽名？Not accepted. 印鑑 並唔係玉璽咁既款，而係手指般粗，刻有你既全名（姓氏）既印章。 當一種工具咁普遍時就會出現不同既變種，例如下圖咁樣既得意款式。 一般既印鑑響使用上非常麻煩，因為原子印式印鑑多縣係非正式用，正式印鑑要另外用印泥。 大概係咁既樣既（無漢字名既外國人通常會用片假名黎刻印鑑） 印鑑響公司係必備用品，除左因為多數公司都係認印唔認簽名，一旦要上交文件就要蓋印。另一個原因係日本公司用「稟議」制，即係將計劃書由下到上傳聞，每個持份者睇過，覺得無問題就蓋印再向上一級傳遞。好似下圖一樣既格仔會放響計劃書第一頁，一睇就知傳到邊度。 有無發現D印全部斜向？據說日本公司內有一種不成文規定，做細既要將印鑑向左轉地蓋印，愈高位者響格仔圖中愈左，就好似做細既向上位者鞠躬咁 ......信不信由你。 參考：https://news.careerconnection.jp/?p=18210 香港人一般一生就一個簽名，或者中文一個、英文一個咁。而日本人一般最少都會有三個印鑑。點解？ 最重要既係「實印」，辦大事例如買樓、買車等就係使用實印。日本地方政府提供既印鑑註冊服務同樣係俾你註冊實印用既。 第二個係銀行印，常用於金融交易，設計上亦無咁複雜。 最後一種係認印，日本人平時最常用到既就係認印。無須註冊亦唔需要訂造，文具鋪、百円店等有售，亦通常會有原子印版。公司交文件、簽收包裹，日常生活簽名用到既就係認印。 http://40sfile.com/100inkan 日本人對印鑑有幾習慣，就同我地第一次聽到「唔簽名，靠印仔」有幾驚訝一樣。使用印鑑有好有唔好，日本人有唔少老人家將印鑑同存摺成set放趕被人偷左，就咁唔見左身家都時有所聞。 如果你想要整一個日式印鑑既話，可以上網訂購，仲可以搵到一啲新潮設計添！ http://www.k-hanko.com/ 下載粹日本App，網羅更多日本資訊 iOS Android 發現文章有任何問題請話俾小編知☞ 回報表格
響日本每逢要「簽名」（sign）就如臨大敵，因為當你習慣左響香港隨手拎起支筆畫隻龜就搞掂時，響日本你要確保自己手邊有 ......印鑑。 授權轉載自： www.marumura.com 最常用到印鑑既2個情況 日本人人生中最頻密要用到印鑑既場合有2個；第一個係同銀行有關既一切，存、取款、開戶等等通常都要用到印鑑。第二個場合係出黎做野時，小至交張receipt都要用到印鑑。簽名？Not accepted. 印鑑 並唔係玉璽咁既款，而係手指般粗，刻有你既全名（姓氏）既印章。 當一種工具咁普遍時就會出現不同既變種，例如下圖咁樣既得意款式。 一般既印鑑響使用上非常麻煩，因為原子印式印鑑多縣係非正式用，正式印鑑要另外用印泥。 大概係咁既樣既（無漢字名既外國人通常會用片假名黎刻印鑑） 印鑑響公司係必備用品，除左因為多數公司都係認印唔認簽名，一旦要上交文件就要蓋印。另一個原因係日本公司用「稟議」制，即係將計劃書由下到上傳聞，每個持份者睇過，覺得無問題就蓋印再向上一級傳遞。好似下圖一樣既格仔會放響計劃書第一頁，一睇就知傳到邊度。 有無發現D印全部斜向？據說日本公司內有一種不成文規定，做細既要將印鑑向左轉地蓋印，愈高位者響格仔圖中愈左，就好似做細既向上位者鞠躬咁 ......信不信由你。 參考：https://news.careerconnection.jp/?p=18210 香港人一般一生就一個簽名，或者中文一個、英文一個咁。而日本人一般最少都會有三個印鑑。點解？ 最重要既係「實印」，辦大事例如買樓、買車等就係使用實印。日本地方政府提供既印鑑註冊服務同樣係俾你註冊實印用既。 第二個係銀行印，常用於金融交易，設計上亦無咁複雜。 最後一種係認印，日本人平時最常用到既就係認印。無須註冊亦唔需要訂造，文具鋪、百円店等有售，亦通常會有原子印版。公司交文件、簽收包裹，日常生活簽名用到既就係認印。 http://40sfile.com/100inkan 日本人對印鑑有幾習慣，就同我地第一次聽到「唔簽名，靠印仔」有幾驚訝一樣。使用印鑑有好有唔好，日本人有唔少老人家將印鑑同存摺成set放趕被人偷左，就咁唔見左身家都時有所聞。 如果你想要整一個日式印鑑既話，可以上網訂購，仲可以搵到一啲新潮設計添！ http://www.k-hanko.com/ 下載粹日本App，網羅更多日本資訊 iOS Android 發現文章有任何問題請話俾小編知☞ 回報表格
