響日本呢個咁安靜既國家中，聽到有人叫嚚的話十有八九係sales做緊減價促銷；之但係作為唔識日文既外國人點先知道是咪真‧減價？粹日本教你點樣認清平價信號，慳少少積少成多，隨時夠去多次日本！
想知道原價都可以食得平醫到肚既方法？睇呢度！
(本文由泰國媒體marumura原文翻譯)
點樣分辨減價、特價商品？只要認清以下幾個日文字就無走雞！
1. セール (Se-ru: 大特賣、促銷)
呢個日文字其實即係英語既「SALE」，通常都會係紅底以突出減價信息。百貨店、外國品牌的話較多用「SALE」，香港人自然睇得明。
2. 半額 (Han-gaku: 半價)
半+（金）額 = 半額，亦即半價。
可以減到一半既唔少都係當日必須售出既生鮮商品，見到「半額」的話唔駛諗，出手啦！
好似上圖既份壽司就由478円減至239円。要記住減得一半既都係將會過期（過賞味期限）既商品，即買即食或當天食物當然無問題，但切記唔好擺太耐！
3. 〇割 (〇 Wari：減價〇成)
想要記住意思非常簡單，聯想成從原價「割走」幾多就可以，較習慣英文折扣寫法的話，〇割 〇0% OFF= 。2割就係20% OFF（8折）。
上圖即係平幾多？（ANS: 原價7成）
雖然無半額減得多，一樣係希望慳錢時既好對象。
至於上圖一般，非「半額」非「割」既貼紙，就係「減〇円」既意思，同樣數字愈大愈抵買！
4. 激安 (Geki-yasu: 勁平、勁抵)
「安」即日語既「安い」（便宜），激安就即係「超平」，究竟激安平啲，定跳樓價平啲呢？
貼著呢個標籤既就係激安商品！
至於激安殿堂就係（自稱）激安間最勁，日語「殿堂」同中文差唔多意思。
5. わけあり/ 訳あり(Wake-ari: 因為某某理由平俾你)
「訳あり」既意思係「for some reason」，雖然唔會寫明但一般係指商品本身質量無問題，但可能因為容器有污跡、破損，又例如脆脆米果撞碎左，都可以用「訳あり」之名減價俾你。
自用的話「訳あり」係好目標，反正你又唔係食個盒，有咩所謂？
6. 売りつくし (Uri-tsukushi:清倉)
清倉，唔駛解啦掛？
日本人清倉同香港一樣可怕，平絕全城，手快有手慢無；殺呀！
原文:marumura.com
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
