有時候我地覺得日本好多野都同我地好似，但另一方面日本又有好多獨有既文化同物事係響香港見唔到既。又或者你可以噏得出個名，但又知D唔知D，唔理解背後所代表既日本文化含意。以下既「日本限定」，你又知唔知係咩黎？

 

暖簾（のれん）

 

日式餐廳響營業期間會將暖簾掛出門口，進入暖簾範圍就即係入左鋪頭裡面。 暖簾上通常印有店鋪名或商號，布片並非連貫一塊，以方便客人掀開暖簾進入店內。另外視乎店鋪既商業形態，暖簾亦有遮擋店內客人容貌的作用。

 

御神酒（お神酒）

 

幾乎去到任何一個神社，你都可以發現神社既參道兩旁放有大量既酒桶。呢D酒桶其實係酒廠送酒去神社祈求商業繁盛時使用既桶。而祭典、活動時就會用上呢一D酒，酒飲乾淨就會將酒桶放上呢面酒桶牆上裝飾，稱為「飾り樽」。

 

御神籤（おみくじ）

 

日本雖無車公靈籤，幾乎所有神社同寺廟都有得俾你求籤，只要放低100円（不同寺社價格有異）就可以抽一張籤測測運氣。

 

 

日本既靈籤通常分為五等，大吉、吉、中吉、小吉、凶，有一D會再多分幾級，例如有末吉、大凶等等。如果你抽到既係凶籤的話，日式

 

御守（御守り）

 

呢一堆小布袋係日本人用黎增進運勢既護身符，從交通安全、考試及第、安胎順產、戀愛順利，各種需要都可以搵到對應既御守。記得唔好打開御守，一開洩左道氣就無用，自用也好做手信也一流！

 

繪馬（絵馬）

 

呢一D薄木板係俾善信用黎寫低願望，形狀以及上面既圓案每間神社不同，通常都會寫有神社既名號，以及畫有同該神社相關既圖案。

 

 

唔止日本人，外國旅客一樣鍾意寫繪馬。除左寫低你自己既願望外，睇睇人地既願望同樣有趣。

 

濕毛巾（おしぼり）

 

日本餐廳幾乎肯定一定會提供濕毛巾，一般係可以循環再用既布巾，以及即用即棄既紙巾。紙巾型的話一年四季都係凍既，而毛巾的話通常會視季節改變，夏天冰涼，冬天則係熱毛巾。不過小編夏天時亦不時收到熱毛巾，究竟幾時熱幾時凍，係一個無解既問題 ......

 

杉玉 / 酒林（杉玉 / 酒林）

 

呢一個用杉葉製成既大球體係傳統上用黎計算日本酒釀造既工具，杉玉掛於酒廠既大門前，新酒開始時換上鮮綠色的杉玉，當顏色變成棕色時就代表清酒成熟！視乎地域釀造的時間為初秋至翌年的五月，而今時今日你亦可以響主打日本酒既餐廳，以及日本酒專門店外見到裝飾用途既杉玉。

 

去東京旅行一樣可以參觀酒造！想知道清酒釀造秘密就要睇呢度！

 

四手（四手）

 

呢種Z型白色紙條常見於掛於神社入口處的注連縄以及玉串上。另外神道教神官亦會使用掛有四手既祓串為人、物，以及新購物既財產等祝福開光。

 

文章中提到既都係日本文化中獨特之處，下次黎日本旅行不妨留意一下行程中有無佢地既出現啦！

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格