對鄉下（日本）非常熟悉既大家肯肯定知道，日本有47個都道府縣，每個地方都有自己既文化、美食、特色，就好似熊本熊就係熊本名產，京都就以悠久歷史同腹黑京都人而為人所知。 日本國土安全省自去年起就推動「行走廣告塔」計劃，上年推出美式足球世界杯、2020奧運等既特別車牌，今年則再接再勵，推出全日本41個地域既「地方圖案車牌」，每塊車牌都有地方特色，今次就同大家精選其中一部份，配以景點資料同大家介紹番！

第一彈41個地區

雖然第一彈的41個地區遍布關東、關西，但就無北海道同沖繩。其中日本人精神信仰既富士山車牌有兩種，想知係咩樣就要睇落去！

取得方法及種類

圖案車牌只發予住響該地區既車輛使用者，而日本政府對唔同用途既車輛會發出顏色稍為有分別既車牌，個人用既為白邊，營業用（如的士）則係綠邊； 另外雖然10月起發出既車牌都會係圖案版，但想要全彩色既話就需要俾最少1000円捐款，唔捐款的話就只會收到黑白圖案既車牌。呢一筆捐款會回歸到該區作交通改區、觀光振興之用。 接下來同大家精選41款裡面最吸引既幾款，以防大家睇完咁靚既車牌想去旅行，加碼送上各地區既旅遊資訊，想旅行就旅行！

動物、吉祥物類

打頭陣既當然有我地最愛既熊本熊！去關西時無得唔探既奈良鹿仔同樣入選！ 熊本

奈良

奈良除左睇鹿外唔好唔記得遊覽各大寺廟！想知道有咩地方好去？睇呢度！

 

景點詳情

自然景點類

講到日本最大名既自然景點，當然就係「富士山」！一個富士山有兩款唔同既圖案車牌，分別對應東邊既富士吉田市地區（圖上），及西邊既富士宮市地區（圖下）。小編就覺得雖然左邊用上葛飾北齋《冨嶽三十六景》為設計原型，但右邊比較colourful靚d…… 富士山

遊富士山，最大目標當然係登頂！今年登山期由7月1日開始，粹日本為你提供登山攻略，睇左先出發！ 日本第一高峰「富士山」登山入門 覺得登山太chur只想響附近玩下？為你整理「河口湖周邊自然&文化景點散策」，一於眺望富士山當行左XD 河口湖周邊自然&文化景點散策！ 另一個係九州櫻島，熊本地震為櫻島以至九州帶來重大破壞，響復興之時更需要國民同遊客既幫助！

櫻島有咩好玩？呢度有齊介紹！

 

景點詳情

活動、建築類

長崎中華街出名，教堂同樣出名！長崎兩款車牌（長崎、佐世保）使用一樣既花窗玻璃圖案，係就係代表到當地特色，但既然佐世保可以有自己既番號，如果用當地名物「佐世保漢堡包」黎做象徵好似仲吸引~

長崎觀光多蘿蘿，咁多名勝點算好？有粹日本為你整理景點清單，排行程無難度！

 

景點詳情

 

另一方面，以「煙花」為主題入選既地方都有2個，分別係土浦（土浦煙花大會）同長岡（長岡煙花大會），二者都列入日本三大煙花大會，實至名歸！

想知道點樣睇煙花先至開心又得體，符合日本禮儀唔會失禮街坊？粹日本攻略教精你！

其他精選

以恐龍聞名既福井；

世界遺產多過人、觀光美食數唔曬既京都則將天橋立同五重塔以「花紋樣」呈現；

另外仲有鳥取縣，將鳥取縣民引以自豪，亦好似係鳥取唯一拎得出手既景點「鳥取沙丘」化為車牌；

最後為大家送上一個唔多關事既「成田」車牌，以飛機為設計，感覺羽田、KIX等大機場會好唔開心 ……

One more thing

今次既地方圖案車牌仲會有第二彈，預計2020年再增加17個地區（下圖），唔知到時又會有咩新設計登場呢？ 想睇曬所有41款可以下載官方PDF呢度： http://www.mlit.go.jp/common/001234936.pdf 資料來源：国土交通省ホームページ

---

下載粹日本App，網羅更多日本資訊 iOS Android