至於和食嘅代名詞「壽司」，相信香港人首先諗起嘅都係「回轉壽司、元綠元氣、黑夜壽司、三文魚、紅豆軍艦、千福bb、燒味壽司、鳳爪壽司」等等等 ...放心！
粹日本小編唔會咁求其搵啲港貨交差，今次同大家講解一下壽司起源、古早壽司响日本邊度食得到，同埋同大家發掘一下響香港唔點見得到嘅各種其他壽司～
「SUSHI」其實係咩？
SUSHI嘅概念其實比我地想像中要複雜好多！現時我地所見嘅漢字（寿司、鮨、鮓）其實都係附和發音嘅寫法，為免愈講愈誤會响解釋SUSHI來源嘅呢一段，小編會用英文「SUSHI」指代「すし」嘅平假名寫法。最初SUSHI意指「酸味」，後來日本人將發酵魚製作嘅保存食稱為「熟れずし」（NARE + SUSHI）。而「鮓」同「鮨」原本都係代表類似野食嘅中文字，所以就被日本人攞左黎指代「SUSHI」。
去到江戶後期出現「にぎりずし」（NIGIRI + SUSHI，即握壽司），而「寿司」呢一個漢字寫法其實比握壽司本身仲要新；據說係從「壽詞」呢一個日文詞而來，因為有好意頭而被用來表示SUSHI。
「德山鮓」 - 最原始的壽司
無論係高級米芝蓮壽司、迴轉壽司，定係某田某佳凍櫃壽司，通通都係現代壽司；如果想食最初嘅「熟れずし」又要去邊度搵？ 即使响日本仍然保持住製作原始壽司的餐廳可謂屈指可數，而當中的「德山鮓」响日本國內非常有名，甚至仲吸引到電視節目去採訪添。押壽司：結實所以味美
押壽司以壓得實淨為之好，同講求輕盈口感嘅江戶前握壽司有所不同，至於用機器啤出黎嘅回轉壽司、超市壽司雖然「實淨」，但就當然無法叫做「好食」啦 ……
江戶前壽司：小即是美定大即是美？
即使係現代壽司，製作方法、食用方法同樣多變。醋飯上面有片魚嘅係江戶前壽司。最初出現於江戶（即東京）；江戶前的「前」是指早期使用的魚貨都是來自江戶灣，而壽司攤都係响江戶灣前面而得名。當今的江戶前壽司都是一口大小，甚至還有指責「壽司不一口吃光」是不禮貌的做法；然而最初的江戶前壽司其實是拳頭般大，一個管飽。原因是最初的江戶前壽司被視為fast food，所以整得大大件可以省去不斷點壽司、捏壽司的時間，就好似漢堡包作為fast food一樣大大個，之但係近年流行精品漢堡，一隻三兩啖就食完，唔知道將來一口漢堡會唔會成為主流呢？
「一舊舊」但唔係江戶前壽司：稻荷壽司、手毬壽司
你可能以為只要係一舊舊嘅壽司就係「江戶前壽司」，但其實江戶前壽司並非唯一一種一貫一貫嘅壽司。稻荷壽司（いなり寿司）
手毬壽司（手まり寿司）
散壽司，師傅偷懶下嘅產物？
上面所講嘅壽司都係一舊舊（一貫）咁，其實仲有一款好似碟頭飯嘅「散壽司」；響醋飯上面放上材料，唔捏亦唔壓成碟上台！
壽司捲：小小日本捲與大大外國捲
壽司捲（卷物）其實並非外國原創，日本一樣有各種「捲」出黎嘅壽司，不過日本捲壽司多數都係幼身，裡面只有1、2種材料，常見嘅「細卷」有：干瓢巻き（葫蘆乾） / 河童巻き（青瓜）
鉄火巻き（吞拿魚）
太陽底下無新事：納豆壽司、和牛壽司、沙律軍艦
講左咁多日本壽司知識，小編相信大家依然無法忘懷屬於香港人嘅驕傲s，但係你又知唔知道日本國內一樣有好多「非典型壽司」？納豆壽司
和牛壽司
沙律軍艦
