香港三步一個垃圾桶，日本就一街都係自動販賣機。 除左一般既飲品同煙仔販賣機之外，其實日本各地仲有大量新奇盞鬼既自動販賣機！ 首先介紹一下呢一款最近新出既「TOUCH　MON自動販賣機」 唔係禁實體掣而係禁個TOUCH　MON， 而響無人使用既時候就可以顯示廣告、天氣資訊等等。

呢一部自動販賣機盞鬼既地方在於設計，奶牛造型超可愛，而且發售既商品仲好貼題，係各式各樣既奶製品！

呢一部自動販賣機點解可以上榜，相信唔駛多講啦掛？（比卡比卡！）

除左飲品之外仲有雪糕！（小編頓時諗起十幾年前既粒粒雪糕販賣機）

納豆自動販賣機，究竟係咩人要咁突然買納豆食呢？

健康又有營養既香蕉最適合做早餐，但係一次過買一梳食唔曬就喊出黎；呢一部香蕉自動販賣機一條一條蕉咁賣，路經澀谷站既上班族成日買黎渡過社畜的一天！

便利店關東煮就食得多，自動販賣機關東煮你又食過未？（想買關東煮但係睇唔明D野食既日文名？呢篇文幫到你！）

燒雞串（無竹簽）、Muffin、Chocolate Danish，呢個價錢好似去正經餐廳食好過　。。。

水蜜桃果汁、罐頭菠蘿、咖啡　。。。。。罐頭菠蘿？無叉點食LOL

薯片自動販賣機，四野無人又無便利店時就要靠佢解薯片癮！

各式日風手信，響自動販賣機就買得到！最適合用黎應酬ｄ閑雜人等～（大誤）

鐵膠最愛，鐵路精品自動販賣機

迷之膠波自動販賣機，以及（應該係模型）昆蟲自動販賣機

真心咩都買得到既自動販賣機，仲有「緊急用蠟燭」添，遇上停電時買黎用就perfect……咪住先，無電點樣用自動販賣機？

---

下載粹日本App，網羅更多日本資訊 iOS Android