PS: 該居酒屋經已結業。 （文頭先放警告：幽靈餐廳雖然好玩又唔恐怖，但係如果你有宗教/道德/文化顧忌的話，就速速按此離開！） 好玩唔玩去撞鬼？大吉利是！位於吉祥寺嘅居酒屋遊麗俾你體驗日本風嘅「另一個世界」，仲有好味又盞鬼嘅野食，實在沒有理由唔試下！粹日本兩隻小編親身去左試，仲拍低「撞鬼」實況video；想直接睇文章嘅話又得！ 「遊麗」就響JR吉祥寺站徒步5分鐘路程內（文末有地圖！）跟住地圖行唔會蕩失路，不過居酒屋黃昏5點先開門做生意，夜媽媽「準備去死」真係有點點驚 …… （女小編興致勃勃地影相，男小編本身想影張從容就義嘅相片，點知有部自動販賣機入左鏡 ……） （人頭歡迎你~~） 盞鬼設定 如果你係有訂位嘅話，店方會為你準備神主牌，同一般嘅RESERVED牌比又真係有誠意好多嘅 眼利嘅讀者應該留意到靈位嘅前方有個「鐘」，想點菜嘅話敲下個鐘，再揮一揮下面隻假手就得~~~ 菜單有英文唔駛驚，當然對於「識睇三成日文」嘅香港人黎講，都係睇日文菜單比較方便。 （有時候日文嘅漢字意思同我地以為嘅好唔同，想知道一d常見又易錯嘅日語漢字真‧意味？睇呢度！） 有咩好食？ 俗語都有話「鬼食泥」，當然首先整番碟日本泥做前菜先啦（講笑姐）。 作為一間有鬼嘅居酒屋，遊麗嘅料理都係經過妖魔化嘅日式居酒屋菜色，小編食左D咩？睇落去啦！ 火葬排骨（880円） 附有performance嘅料理，成間居酒屋閂曬燈，人人鬼鬼一齊睇待應姐姐火葬碟排骨；記得趁熱！（想睇火葬一刻記得番上去睇片！） 油炸小人（460円） 日式油炸鬼？非也，其實係大阪名物「炸串」，將香腸砌成人仔咁，諗住你嘅仇家咬落去！ 芝士眼球（460円，一日限定四份） 一碟芝士眼球等於兩隻芝士鬼嘅寶貴生命（大誤），配上酸酸甜甜嘅血漿（果醬），送酒一流！ 時令特飲（時價） 除左一般嘅酒精‧軟飲外，仲會不時有季節限定特飲；好似小編們去送死時就剛好係12月，當月特飲係「地獄聖誕」（真‧和洋crossover） 訓日式棺材體驗 講生講死響香港多少仲係禁忌，當然有D機構會舉辦「生後體驗」俾你認真思考一下生與死；而響遊麗則是將訓棺材變成一種難得嘅體驗！ 每一台客人有一個人有機會體驗生訓棺材，咁難得嘅機會當然每一台都爭bun頭，幽靈待應會建議大家加點「激辣俄羅斯輪盤」，有得食又有得抽籤！（小編只有兩隻，唔係我死就同事死，結果就無玩到鳥~~） 送死嘅客人要戴上頭帶，是咪好熟口面呢？同鬼太郎個個一樣架！ 下一步係著上同待應姐姐一樣嘅日式壽衣，呢件野睇落同浴衣有啲似，除左全白之外另一個一睇就知係壽衣嘅方法係，死人著衫係「左前」，即係右襟疊左襟（左手可以插入襟口），所以響棺材體驗時記得暫時「左前」，而平時去日式旅館、浸溫泉就記得係「右前」著法！ 重戲，訓落去！你個啲「唔好彩死唔去」嘅朋友會為你撒花送行，然後待應會幫你冚好棺材蓋，再打開蓋上面嘅窗仔等大家可以瞻仰遺容~~~~ 小編實試：其實就無咩野嘅，反而係唔夠苗條嘅話難保會訓爛棺材，另外太高（小編沒有六呎高，只有175）可以就汶水啲啦！ 玩完食完係時候返陽間，要記得遊麗規定客人「死後」2小時就要復活，把握呢兩個鐘盡情反轉陰間啦！ 店鋪詳情 店名：幽靈居酒屋「遊麗」 地址：東京都吉祥寺南町1-8-11 B1/F 營業時間：17:00 ~ 終電 地圖： 下載粹日本App，網羅更多日本資訊 iOS Android
PS: 該居酒屋經已結業。 （文頭先放警告：幽靈餐廳雖然好玩又唔恐怖，但係如果你有宗教/道德/文化顧忌的話，就速速按此離開！） 好玩唔玩去撞鬼？大吉利是！位於吉祥寺嘅居酒屋遊麗俾你體驗日本風嘅「另一個世界」，仲有好味又盞鬼嘅野食，實在沒有理由唔試下！粹日本兩隻小編親身去左試，仲拍低「撞鬼」實況video；想直接睇文章嘅話又得！ 「遊麗」就響JR吉祥寺站徒步5分鐘路程內（文末有地圖！）跟住地圖行唔會蕩失路，不過居酒屋黃昏5點先開門做生意，夜媽媽「準備去死」真係有點點驚 …… （女小編興致勃勃地影相，男小編本身想影張從容就義嘅相片，點知有部自動販賣機入左鏡 ……） （人頭歡迎你~~） 盞鬼設定 如果你係有訂位嘅話，店方會為你準備神主牌，同一般嘅RESERVED牌比又真係有誠意好多嘅 眼利嘅讀者應該留意到靈位嘅前方有個「鐘」，想點菜嘅話敲下個鐘，再揮一揮下面隻假手就得~~~ 菜單有英文唔駛驚，當然對於「識睇三成日文」嘅香港人黎講，都係睇日文菜單比較方便。 （有時候日文嘅漢字意思同我地以為嘅好唔同，想知道一d常見又易錯嘅日語漢字真‧意味？睇呢度！） 有咩好食？ 俗語都有話「鬼食泥」，當然首先整番碟日本泥做前菜先啦（講笑姐）。 作為一間有鬼嘅居酒屋，遊麗嘅料理都係經過妖魔化嘅日式居酒屋菜色，小編食左D咩？睇落去啦！ 火葬排骨（880円） 附有performance嘅料理，成間居酒屋閂曬燈，人人鬼鬼一齊睇待應姐姐火葬碟排骨；記得趁熱！（想睇火葬一刻記得番上去睇片！） 油炸小人（460円） 日式油炸鬼？非也，其實係大阪名物「炸串」，將香腸砌成人仔咁，諗住你嘅仇家咬落去！ 芝士眼球（460円，一日限定四份） 一碟芝士眼球等於兩隻芝士鬼嘅寶貴生命（大誤），配上酸酸甜甜嘅血漿（果醬），送酒一流！ 時令特飲（時價） 除左一般嘅酒精‧軟飲外，仲會不時有季節限定特飲；好似小編們去送死時就剛好係12月，當月特飲係「地獄聖誕」（真‧和洋crossover） 訓日式棺材體驗 講生講死響香港多少仲係禁忌，當然有D機構會舉辦「生後體驗」俾你認真思考一下生與死；而響遊麗則是將訓棺材變成一種難得嘅體驗！ 每一台客人有一個人有機會體驗生訓棺材，咁難得嘅機會當然每一台都爭bun頭，幽靈待應會建議大家加點「激辣俄羅斯輪盤」，有得食又有得抽籤！（小編只有兩隻，唔係我死就同事死，結果就無玩到鳥~~） 送死嘅客人要戴上頭帶，是咪好熟口面呢？同鬼太郎個個一樣架！ 下一步係著上同待應姐姐一樣嘅日式壽衣，呢件野睇落同浴衣有啲似，除左全白之外另一個一睇就知係壽衣嘅方法係，死人著衫係「左前」，即係右襟疊左襟（左手可以插入襟口），所以響棺材體驗時記得暫時「左前」，而平時去日式旅館、浸溫泉就記得係「右前」著法！ 重戲，訓落去！你個啲「唔好彩死唔去」嘅朋友會為你撒花送行，然後待應會幫你冚好棺材蓋，再打開蓋上面嘅窗仔等大家可以瞻仰遺容~~~~ 小編實試：其實就無咩野嘅，反而係唔夠苗條嘅話難保會訓爛棺材，另外太高（小編沒有六呎高，只有175）可以就汶水啲啦！ 玩完食完係時候返陽間，要記得遊麗規定客人「死後」2小時就要復活，把握呢兩個鐘盡情反轉陰間啦！ 店鋪詳情 店名：幽靈居酒屋「遊麗」 地址：東京都吉祥寺南町1-8-11 B1/F 營業時間：17:00 ~ 終電 地圖： 下載粹日本App，網羅更多日本資訊 iOS Android
