上一次同大家講解過日本禮儀（其中一種）最複雜既「上‧下座」文化，和室、洋室、會議室既坐位相信大家睇完篇文都應該明白； 但係上下座呢樣野，其實並不只係「房間」先至適用，理論上只要有座位既情況就有上下之分，推而廣之，只要係同人共處，有「相對位置」的話就牽涉到上下座的問題。 今次同大家解釋交通工具既上下座之別，Lets go!

大原則

大家應該仲記得，房間類既上下座以「同房門既距離」為分辨既大原則。交通工具的話，新幹線/飛機，主要考慮既係「舒適」；例如「同走廊既距離」、「同窗口既距離」；呢一點就同我地既諗法相似； 而另一個非常之犀菲利既法則，就係「安全法則」；一言以蔽之，發生意外時比較安全既位置就係上座。有咩意外發生既話，做細既係「真係會」行先死先，首先被犧牲 ……

的士 / 私家車

的士既話，以「司機」（D）後方既位置為「最上座」，潛台詞就係「司機做肉盾」……

最上座以後的上下座排位如下： 後排左->後排中->最下座（前排司機席旁） 私家車同樣係「自動車」，四個轆四隻門，有咩分別？當係由自己人做司機時，最上座就會變成「司機席旁邊」，然後為「後排右、左、中」。

醒目既各位應該發現，以「舒適」為大原則之一既話，兩個人一個司機一個乘客，點算好？ 如果你係做司機嗰個，99.9%你係做細既，有禮地詢問你既上位者，「後面舒服D wow~」，然後由得佢決定就好。

升降機

如圖，總之對著panel既係下座（負責揸?），然後揸?手嘅後面係上座。如果你係做細嗰個，就要記得唔好咁醒目入去撳住個開門制，而係要響外面擋住?門畀大粒野入去，最後先輪到你； 而出?既時候，響前面擋位大粒野既SMALL POTATO就記得行出?，等上位者可以舒舒服服行出去；而做細負責揸?嘅，就當然要乖乖地撳位開門掣啦。

扶手電梯

「扶手電梯？」 「無錯，扶手電梯。」 「喂大佬，又無門又無距離又無司機位，上咩下座呀」 「你唔記得『安全法則』啦咩？」 試想像，如果條扶手電梯有咩malfunction突然停低既話，順著慣性地飛出黎嘅話，被責響下面既係下座，責住人有人墊底既就係上座。 當電梯向上行時，先行方向為上座：

向下行電梯就係後行者為上座：

（真係好似hunger game咁殘酷。。。。。。）

新幹線 / 飛機

呢一類中間有走廊、長期單向行走既交通工具，主要用以下方法辨別： 1) 窗口位 2) 三人排既話中間最下座 3) 倒頭車係下座 之但係，新幹線同飛機其實響上下座上面係有d唔同既： 新幹線

黑色方格為出入口 A（靠近出入口的座位）： 距離出入口較遠的一行為上座，其中以窗口>走廊>中間為順序；然後較近出入口的一行同理。 B（倒頭車）： 倒頭車為下座、順方向為上座，以窗口>走廊>中間為順序。 C（1行2人）： 窗口>走廊、遠離出入口>接近出入口 飛機 飛機無得倒頭坐，但係飛機唔似新幹線得2排，而且中間一排可以有3、4、5個人（e.g.波音787），所以飛機的情況又有少少唔同：

A（3、4、3分布）： 中間一排唔近窗，所以比較方便走動、無咁迫gip既為上座；其中「左高右低」；有窗口位的話則是窗口>走廊>中間為順序。 B（5人排）： 同樣以走廊為上座，最慘慘豬連扶手都搶咁唔到既5號位為下座 假如Elon Musk 既Space X成功既話，日本人好有可能會研發出一套適用於火箭既上下座安排；暫時我地就學住咁多先，作為遊客一般坐日本既電車、的士都無需要太過著緊上座同下座，但係有朝一日你要招待日本人（or 被招待）既話，就要記得睇多次粹日本既「上座‧下座」解說文啦！

---

下載粹日本App，網羅更多日本資訊 iOS Android