雖然我地成日覺得日本多繁文縟節，但其實無論係日本人、英國人、香港人咩都好，日常生活中一樣有好多禮儀要遵守。而講到「就座」方面，除左
既然我地係專業日本情報網，今次就當然係講解一下日本既「就座文化」。相信你都估得到，（幾乎）比世上任何種族都要講求禮儀既日本人，響座位既三六九等劃分上面，同樣係複雜程度No.1！
今次既「上座‧下座」專題文章將會分為2篇，分別講解「房間類」以及「交通工具類」嘅上下座辨別方法；睇完粹日本原創文章，就唔怕激嬲日本人啦！
大原則
要分辨上下座係嘅原因，係因為日本社會幾乎任何時候都要考慮「上下關係」；當然唔係話香港人就無大無細，只係響重大場合、紅白二事、政經會面以外，香港人又真係唔會太過在意邊個坐邊度 ......日本人要認真講禮儀既話可以永無止境，就算只係日常見個面食餐飯，都可以應用一樣既規則；至於商業場合就更是如此。商場之中，以「職級」、「年資」及「年齡」為準分個高低，至於客人的話就當然自己為低（客人內部會再自行分上下座）。
不論係和室（日式房間）定洋室（西式房間），天字第一號嘅RULE係「與房門的距離」！距離愈遠等級愈高，當然唔係叫你用尺度啦！一般黎講可以靠目視睇距離，然後再配合一啲唔同房間類型嘅特別規矩，就可以分清公楚邊度係上座邊度係下座！
（本文所有圖例中「黑色長方形」為出入口）
和室
和室，即日本既傳統房間。如果你有見識過相當數量既房間，應該可以發現有一D和室既牆上會有個放花同字畫既lung，呢一個凹位稱為「床之間」（下圖）
有無床之間會影響上下座關係，等我地分開2個情況睇睇。
沒有「床之間」 響無床之間既情況，同入口呈對角線嘅位置就是「最上座」，最上座旁邊既係次上，最近入口既就係「最下座」。
有「床之間」 咁有床之間既話點算好？就要以床之間為準，响床之間（A位）前既係最上座，「床脇」（即床之間旁位置，B位）前方既係次上座。
例一
例二（沒有床脇）
洋室
洋室即係西式房間，洋室既話自然唔會有「床之間」，但係取而代之嘅係另一樣野 ……櫈之歧視鏈 呢一部份可能係最為外國人理解既一PART。洋室上下座除左按「與出入口距離」黎分辨之外，另一個重要准則係「張櫈有幾舒服」：
有椅背以及扶手既長梳化（日本人認為愈長既梳化坐得愈舒服）->有椅背及扶手既單人椅->只有椅背的單人椅->無椅背無扶手既單人椅
一般而言日本公司既「應接室」（等候室）、會議室等都會跟呢一套規矩，而應接室係最常會出現（長）沙發的地方，以下面5人座為例子：
首先長沙發整體為上座，然後距離門口最遠的是上座，最近為下座；左側單人席同理。
會議室 4席會議室如下：
會議室如果是6個座位的話，坐在中間的是地位最高者； 另外如果同跟訪客會面的話，訪客（A側）全體應坐在上座，而己方（B側）先整體作為下方，然後再內部分個高低：
餐廳
響日本食西餐時請跟從洋室的上下座原則；而日本料理的話，坐客房的話請按照和室做法。 日本料理中常見嘅「吧台」座位嘅上下座分辨方法如下：壽司以外嘅和食：
壽司 壽司店基本上是由大將（C位）一個人既表演，所以最能夠看清大將手藝既位置為最上席，距離大將愈遠+距離門口愈近為下座：
圓桌（中菜） 響日本幾時會見到大大張圓台？食中菜個時XD 同樣先睇同門口嘅距離，最遠嘅係上座，然後跟從日本傳統「左高右低」，梅花間竹地排次序。
講左咁耐其實只不過係日本「上座‧下座」文化嘅一半咁大把；乘坐各種交通工具時你又知唔知點樣分辨上下座？敬請留意不日公開，「上下座之交通工具篇」！
下載粹日本App，網羅更多日本資訊 iOS Android
