情人節相信大家都聽過，2月14日一個月後（3月14日）係「白色情人節」，你又知唔知？一句講曬，白色情人節係你收完禮物後回饋「心意」既時候。

回禮

你知道日本人幾唔鍾意欠人人情，就算係收到朱古力咁既小事都需要好好回禮先得。

「白色情人節」本來係「棉花糖日」

情人節姑且都叫做係外國傳入，得送朱古力係日本人原創 …. 而白色情人節就是徹徹底底既日本人creation。其中一個講法係響1977年時，位於福岡既「石村萬盛堂」為左賣白棉花糖，就將3月14日叫做「棉花糖日」，

白色情人節的「白」寓意「純粹的幸福」。

後來朱古力等其他甜品加入戰團，「棉花糖日」就慢慢變成「白色情人節」啦。

白色情人節一樣各處鄉村各處例

據聞韓國版既白色情人節習慣係送糖而唔係用朱古力做回禮，至於小編印象中香港人只慶祝情人節，而且送朱古力本來就唔係主流；至於白色情人節知道既人雖多，但仍未成氣候。 白色情人節雖然係日本少有既西化節日，但仍然可以感受到當中日本既「回禮」文化~

---

下載粹日本App，網羅更多日本資訊 iOS Android