坐響鐵板前面，睇住廚師落料用鏟仔煎嘅「御好燒」，響香港無咩機會食得到，但係作為日本國民食之一，大街小巷度度都食得到。 同樣都是圓形一個餅形，上面加一堆醬同木魚碎嘅御好燒，你又知唔知道原來分為「廣島燒」同「大阪燒」兩類，睇落相似但其實整法唔同？

大阪燒：關西風御好燒

到過大阪的話一定吃過，大阪人soul food之一的「大阪燒」！日本人會稱之為「關西風御好燒」，料理方法是用一個大碗將麵粉，蔬菜、肉類/海鮮等混合後，放到鐵板上煎熟煎香即成。 亦有一些大阪燒店會用特別嘅材料，好似「道頓堀美津no」咁就用山芋代替麵粉，口感更鬆軟！

相比廣島燒，大阪燒嘅料理方法比較簡單，頂多係另外煎肉片鋪上去做配料，所以素人顧客可以自製，而大阪人亦會響屋企搞「大阪燒PARTY」（依家非大阪人都一樣會開大阪燒P）。 所以坊間嘅大阪燒店同樣會有DIY式和店員料理式兩種，DIY自己動手嘅話雖然要冒失敗的風險，但是可以親手體驗料理過程非常過癮！店員幫你整嘅話可以旁觀拍片一樣有趣！好似大阪嘅okaru就堅持由店員為客人製作大阪燒，食出職人手藝！ 日本有都市傳說話所有大阪人都懂得完美翻轉大阪燒（用2個鏟子將煎好一邊的大阪燒翻面），不過小編的大阪人整大阪燒時手生得很 ……（被日本人問到是否會功夫時就用大阪燒反擊吧！）

點樣食先岩？

吃慣Pizza的香港人通常都習慣圓形食物就從圓心放射式地切片享用，不過大阪人原裝的吃法是井字切而不是圓心切；

大阪人通常是用小號的鏟子代替筷子食用大阪燒，所以井字切的方形小塊才方便；而關東人跟香港人一樣都是會用圓心切，反正用筷子吃沒有分別，而且圓心切的話材料平均分布方便分享！

另外關西地域的御好燒店常會將大阪燒作為配菜，跟白飯配搭作為定食出售 …澱粉x澱粉好邪惡呀！

廣島燒：廣島風御好燒

作為廣島人的驕傲，到廣島觀光時絕對唔可以唔食嘅廣島料理！只睇成品的話可能以為同大阪燒一樣。二者最大分別其實不在材料，而係料理方法！ 跟大阪燒先拌勻後煎不一樣，廣島燒是先將麵糊煎成薄餅後，順序放上切絲的捲心菜、蔥、肉片後翻面！

翻面煎過之後還有一道工序，就是將煎餅放在預先在鐵板上炒好的炒麵（烏冬或中華麵）上面，然後！再將底部是炒麵的煎餅整個放在煎得又圓又薄的荷包蛋上面，才算是完成。最後加上例牌的醬汁、木魚碎就可以開吃啦！ 做法複雜又易出錯，所以廣島燒仍是以店員/廚師親手製作為主，睇睇廣島老店「八昌」嘅手藝啦！（影片不支援部份裝置）

睇完相信你都明白，廣島人無咩可能人人識整廣島燒。所以都係乖乖俾錢到餐廳吃，讓廚師動手吧！ 難得去到廣島唔知點選好嘅廣島燒店嘅話，去「廣島燒村」就最方便！27間廣島燒店嘅大比拼，一於選最長龍個間！

---

下載粹日本App，網羅更多日本資訊 iOS Android