香港都食得到嘅「雪見大福」絕對係日本人必食嘅雪糕之一，麻糬包著唔同口味嘅雪糕煙韌又好味食到無停口！

但係一年黎幾次日本嘅各位有無發現，天時暑熱時最想食雪糕，但係總買唔到雪見大福？明明夏天食雪糕最開心，唔通係太過好賣所以全日本缺貨？

其實雪見大福有兩種大細，Mini裝全年有售，而最受歡迎嘅標準兩個裝就只在9月至翌年4月先買得到。 標準（2個裝）

Mini（9個裝）

點解冬天先黎玩限定發售？

原因一：Marketing 田忌賽馬專打同業唔落力嘅秋冬黎，突出自己存在感。 原因二：品質管理 麻糬如果雪太凍就會變硬無左煙韌口感，所以最初做研發時就響麻糬裡面加入澱粉等能夠防止硬化嘅成分。係就係解決左硬化問題，但調番轉夏天時麻糬就會快人一步變軟變淋 。。。。。 Mini大細一口一個就無咩所謂，但係標準大小嘅雪見大福大個啲要食完都花多啲時間（小編：我知有人係一啖吞），結果食到最後變到扁踢踢就喊出黎，。正係爲了保證只融響口唔融響手（不是M&M），所以才放棄了在夏季出售。好令人敬佩的品質管理！！

---

順便話俾大家知，年頭幾個月嘅原味包裝有啲與眾不同～。仔細看就能發現，「雪見大福」的「福」的部分字體要大一個size，含有在這個迎新迎春的特別季節比平時要迎接更多一點福氣的意思。 大「福」版與普通版對比：

另外也會出很多不同口味的期間限定。比如： 黃豆粉口味

大學芋口味

黎日本的時候當然係見到一款就殺一款，每種都好食唔好錯過！食完雪糕之後整番個邊爐暖下胃，想知有咩日本鍋物好食？睇呢度！

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格