古語有云「食色性也」，今諺則是「吃喝玩樂，食好西去」；正所謂民以食為天，粹日本平時亦為大家介紹各種日本好野食、好手信，同讀者們一樣，小編同樣鍾意食食食最好一日食五餐！ 之但係響我地大快朵頤既時候，又有無真正了解到餐桌上面既香腸火腿係點樣黎既呢？學日本人講「いただきます」（我唔客氣啦）既時候你又有幾明白「感謝被吃掉的生命」的含意？ 學習「進食=取用生命」 築波大學藝術專門學群的學生高松陸為左等日本的新一代可以多D了解餐桌上既食物，教育感謝生命的意義同時減少剩食，特意設計左以豬隻/豬肉為主題既知育玩具Reviboo；透過木製玩具套裝等孩子們可以了解我地食落肚既豬肉料理係點樣誕生、了解食物背後的牲犧。 根據高松先生所講，選擇豬做主題係因為「相比起魚類會生食刺身同有現場解體show，豬肉通常係以已屠宰解體既形式，或者已經加工好既狀態銷售」，所以購買者不易感受到豬肉同樣來自鮮活的生命。 （呢一點同有街市劏豬文化、原隻乳豬上桌既香港相比當然有分別） 透過展示豬隻內外原型、運送方法、料理成品等，遊玩「Reviboo」既孩童可以對「進食豬隻生命」的過程作深入的了解，以學會珍惜食物、減少浪費。 Reviboo的四大主旨 1、遊玩：供孩子玩耍用的知育玩具，透過內附的2種料理構成，同日常食生活連上關係 2、學習：可以睇到豬隻的各個部位，發現豬肉部位，了解平時從成品料理無法見到的畫面 3、流程：從豬隻運送至屠宰，了解豬隻變成豬肉，再變成料理的一生 4、感性：親子一同遊玩時可以玩耍兼學習，用料同設計上花心思避免對小孩子造成不快 詳細 每個Reviboo都附有2款豬肉料理，平時只見到上桌後的成品模樣 類似繪本的翻頁設計，外觀係豬的頭部 中間則是料理頁面、豬隻內部 豬隻的內部構造，溫和設計小孩子唔會受到太大衝擊，同時了解到豬隻不同部位，以及「豬=生命」的事實。 部件附有磁石，拆開反轉可以見到（日語）部位名稱 迴響 高松先生響私人Twitter上公開呢個概念作品後造成巨大回響，前幾日仲響佢就讀既築波大學作展出。雖然展覽已經完結，有睇本文既各位一樣了解到呢個好創意！ 近年素食話題不論響健康、環保，定係道德層面都愈黎愈受注目，而現實係無肉生活將來可能實現，但當下食肉仍只係「多與少」既問題。但係食肉既同時，我地可以透過教育黎改變我地以及下一代對早餐條豬肉腸、麥當當既豬柳強以及其他食物既理解。 不論肉類定蔬菜，究其本質都係汲取另一生命以維持自己的生存，理解到「進食=殺生」本來就係不可或缺的教育。鍾意日本既各位可能都聽過甚至跟機講過「いただきます」（我唔客氣啦），日語原意係用黎感謝成為盤中餐既生命，吃飯不忘原材料，然而現今的日本竟是其中一個剩食大國。 小編今次寫深入文，係真心欣賞高松先生的IDEA，希望呢一個想法可以令我地對食材多一份了解（據說日本有D細路以為魚係連埋個發泡膠盒響海度游 ……），既然生物要活著就不得己要殺生，至少可以減少浪費、增進了解。 雖然現時只係概念商品，引起回響後將來可能會變成真實商品，而網友亦有提供商品化既好主題，又或者指出「部件太細怕細路誤食等」，希望有朝一日可以買翻一個俾自己既小朋友邊玩邊學！（當然，首先小編要搵到女朋友先得 ……） 感謝高松陸先生授權粹日本撰寫本文 資料來源： 高松陸Twitter：https://twitter.com/Rikuccho1214 下載粹日本App，網羅更多日本資訊 iOS Android
古語有云「食色性也」，今諺則是「吃喝玩樂，食好西去」；正所謂民以食為天，粹日本平時亦為大家介紹各種日本好野食、好手信，同讀者們一樣，小編同樣鍾意食食食最好一日食五餐！ 之但係響我地大快朵頤既時候，又有無真正了解到餐桌上面既香腸火腿係點樣黎既呢？學日本人講「いただきます」（我唔客氣啦）既時候你又有幾明白「感謝被吃掉的生命」的含意？ 學習「進食=取用生命」 築波大學藝術專門學群的學生高松陸為左等日本的新一代可以多D了解餐桌上既食物，教育感謝生命的意義同時減少剩食，特意設計左以豬隻/豬肉為主題既知育玩具Reviboo；透過木製玩具套裝等孩子們可以了解我地食落肚既豬肉料理係點樣誕生、了解食物背後的牲犧。 根據高松先生所講，選擇豬做主題係因為「相比起魚類會生食刺身同有現場解體show，豬肉通常係以已屠宰解體既形式，或者已經加工好既狀態銷售」，所以購買者不易感受到豬肉同樣來自鮮活的生命。 （呢一點同有街市劏豬文化、原隻乳豬上桌既香港相比當然有分別） 透過展示豬隻內外原型、運送方法、料理成品等，遊玩「Reviboo」既孩童可以對「進食豬隻生命」的過程作深入的了解，以學會珍惜食物、減少浪費。 Reviboo的四大主旨 1、遊玩：供孩子玩耍用的知育玩具，透過內附的2種料理構成，同日常食生活連上關係 2、學習：可以睇到豬隻的各個部位，發現豬肉部位，了解平時從成品料理無法見到的畫面 3、流程：從豬隻運送至屠宰，了解豬隻變成豬肉，再變成料理的一生 4、感性：親子一同遊玩時可以玩耍兼學習，用料同設計上花心思避免對小孩子造成不快 詳細 每個Reviboo都附有2款豬肉料理，平時只見到上桌後的成品模樣 類似繪本的翻頁設計，外觀係豬的頭部 中間則是料理頁面、豬隻內部 豬隻的內部構造，溫和設計小孩子唔會受到太大衝擊，同時了解到豬隻不同部位，以及「豬=生命」的事實。 部件附有磁石，拆開反轉可以見到（日語）部位名稱 迴響 高松先生響私人Twitter上公開呢個概念作品後造成巨大回響，前幾日仲響佢就讀既築波大學作展出。雖然展覽已經完結，有睇本文既各位一樣了解到呢個好創意！ 近年素食話題不論響健康、環保，定係道德層面都愈黎愈受注目，而現實係無肉生活將來可能實現，但當下食肉仍只係「多與少」既問題。但係食肉既同時，我地可以透過教育黎改變我地以及下一代對早餐條豬肉腸、麥當當既豬柳強以及其他食物既理解。 不論肉類定蔬菜，究其本質都係汲取另一生命以維持自己的生存，理解到「進食=殺生」本來就係不可或缺的教育。鍾意日本既各位可能都聽過甚至跟機講過「いただきます」（我唔客氣啦），日語原意係用黎感謝成為盤中餐既生命，吃飯不忘原材料，然而現今的日本竟是其中一個剩食大國。 小編今次寫深入文，係真心欣賞高松先生的IDEA，希望呢一個想法可以令我地對食材多一份了解（據說日本有D細路以為魚係連埋個發泡膠盒響海度游 ……），既然生物要活著就不得己要殺生，至少可以減少浪費、增進了解。 雖然現時只係概念商品，引起回響後將來可能會變成真實商品，而網友亦有提供商品化既好主題，又或者指出「部件太細怕細路誤食等」，希望有朝一日可以買翻一個俾自己既小朋友邊玩邊學！（當然，首先小編要搵到女朋友先得 ……） 感謝高松陸先生授權粹日本撰寫本文 資料來源： 高松陸Twitter：https://twitter.com/Rikuccho1214 下載粹日本App，網羅更多日本資訊 iOS Android
