日本內閣府公布既2019年日本假日表（日語）
2019年既日本假期有咩有變化？以下由小編為你詳細說明！
重大改變：12月23日明仁天皇生日假期取消
(Source：Elena Gurzhiy / flickr）
5月1日即位大典導致「超級黃金周」
正所謂新皇即位普天同慶，如果即位當日可以放多日假你話幾好呢？（大正確）
日本假期法中有一項，如果非假日被2日假期夾著既話，就會好似黑白棋咁變成假期一部份；本來黃金周要返工既5月1日變成假期，咁就連帶4月30日同5月2日都會放假，開心！
香港打工仔請假攻略
因此總結，我地可以得出呢一個圖表：
睇圖太煩？小編為你整理出幾個唔同方向既請假plan：
用盡公眾假期加D年假玩大佢： 2月上旬：響農曆年假前後只要請4號同8號，就可以由2月2號玩到2月10號，但要留意2月11號係日本假期（而且９號至11號可以連住放三日），所以9號既周末可能會比平時多人，住宅等都可能會貴D。
4月下旬：如果你有得放銀行假既話，4月19號至22號有4日已經好夠玩。想有個長假期既話粹日本建議你請15~18號，視地區仲可能睇到櫻花，而且唔會同「加長黃金周」既日本人撞假~
10月上旬：如果你本身夠年假既話，可以請9月30日、10月2至4日，就可以有一個長假期
12月聖誕：不用多說了吧。但要留意即使日本聖誕唔係公眾假期，街上仍然人多 ……
想避開貴機票住宿同多人出遊日子： 5月下旬至6月：香港有6月7號端午節，一日年假唔用都可以去日本玩3日黎個短trip~日本響6月一日公眾假期都無，方便你隨便遊
最好避開既日子： 新年：日本唔少公司、商鋪以至景點、餐廳，新年都有幾日會休息，除非你好想去睇初諸、買福袋，否則可免則免
5月上旬（黃金周）：唔想同全個日本既人一齊迫？5月避開上旬比較好！如果天皇即位日放假既話就全日本shutdown，無得放都有自然有人自製黃金周，所以要留意！
另外以下期間係日本既周末+星期五/一既3連假，可以預期國內遊導致機票住宿緊張！ 4月5~7日 5月日本黃金周10連休 6月7~9日 6月30日~7月1日 8月10~12日 9月14~15日 10月12~14日 11月2~4日
