去得日本點可以唔浸溫泉？
去日本旅行=浸溫泉，相信呢個諗法早已深入香港人心中；只不過響電視見名星去日本浸、親朋戚友去日本又浸，你係咪以為溫泉同沖涼一樣除左衫跳入去就得？ 今次粹日本就搵黎日本人小編寫低溫泉入浴大法（香港人小編翻譯），為大家講解最正宗日本人嘅浸溫泉方法！
去到溫泉旅館，首先係休息！
山長水遠去到溫泉旅館，check in完仲唔即刻去浸番夠本？ 錯！路途中費時又用左大量體力，唔先調整一下適應番就浸溫泉嘅話只會影響健康！至少休息番30分鐘等身體回復狀態先好去浸溫泉！
記得飲水！
唔係叫你飲溫泉水，而係響休息期間入浴之前飲定水。溫泉水其實就係熱水，浸得溫泉就一定出一身汗，如果響缺水狀態浸溫泉嘅話又係傷上加傷，所以飲D水（或者旅館通常都會準備嘅茶）先啦！
飲啖茶，仲要食個包！
你有無諗過點解溫泉旅館會賣大包，除左有茶準備外仲會有D小食放響枱？唔係俾你用黎夜晚食，正確做法係休息時間補充水分時俾你用黎填下肚，唔係會浸到貧血架！ 身體疲勞+缺水+空肚，三樣都係溫泉大忌，如果你係岩岩到旅館，就休息30分鐘飲啖茶食個菓子；至於食得飽飽先到旅館嘅話，就要認得先等野食落格，同樣休息30～60分鐘先好浸溫泉！
最後準備：溫泉水淋身！
溫泉水溫度高，但並不是純水，通常都有各種礦物質酸鹼度亦有唔同，所以響浸入去前先用溫泉水（一般溫熱水亦可）淋自己5~10次，依家明白點解溫泉浴場有個桶俾你嘅原因啦？ 同時浸溫泉唔好執輸行頭慘過敗家，一入溫泉水中先浸半身，適應後先浸到頸位；另外唔好「煲老火湯」，建議做法係浸5分鐘、休息一下後浸8分鐘，最後浸3分鐘就走人，此外無論溫泉中有無其他人，都唔好周圍走（同游水），安安靜靜地浸就最好。
浸完溫泉後 。。。
離開溫泉時記得慢慢黎，身體加熱過後劇激活動有害無益；另外亦要記得補充水分。
其他注意事項
酒後不要浸：飲酒會加速體表血液循環同時減少對腦部的血液供應，如浸溫泉就可以引起腦貧血、心律不整、心臟病發等問題。 而且飲完酒個人wing下wing下，濕濕地方容易滑倒。
