雖然比唔上部份歐洲國家，但日本依然係世界中其中一個單車大國。民眾保有單車既比例相當高，識踩的人多，日常會踩單車返學、返工、買送既人同樣唔少。
同香港唔同響日本要租用單車並不簡單，一般只言單車都係私人持有（仲要向警察登記），租單車過去非常少見。不過近年開始有提供俾旅客既單車租用服務，或者所謂既「共享單車」（其實一樣係租單車），因此近年響日本開始會見到遊客踩單車周圍去。
單車始終係交通工具既一種，即使唔插電純電動都好，有番咁上下重同速度如果發生意外同樣危險。想要響日本踩單車踩得安心的話就記得留意當地７大規條！
（注意：以下7條並不一定係法律，有部份只係慣例，亦有部份會有相當既罰則。此外日本當地人都有唔少無視單車規矩既存在，但切忌模彷壞行為人做我又做）
1. 自行車道 = 馬路
日本較少見到特設既單車徑，亦甚少有不准單車駛入（必須落車）既地方。然而日本法例將單車視為交通工具既一種，因此除左特別指明外，踩單車時應該踩出去行車道。
有一D行車道會響邊位劃出單車優先空間，可以優先選擇於單車區內駕駛。
2. 勿踩對頭車及靠左
因為踩單車需要踩出馬路，因此要記得跟番馬路既交通規則，對頭車係大忌絕不能做。 日本同香港一樣係右馱靠左駛，記住同香港一樣即可簡單快捷。
3. 行人優先
如果無馬路的話係可以踩上行人道，而部份行人道會分隔出行人同單車，響呢D行人路上面就優先於單車zone行駛。 不論係馬路定行人道，都要遵從行人優先既原則，路口記得減速、停車。日本人習慣左車讓人，因此更需要多加小心，唔好期待行人會停低。
4. 不可共乘
日本有特別設計既單車BB椅，前後各放一個細路的話最多可以「三人共乘」。但要留意呢度既三人係指一大兩細，香港踩單車咁後面企人響日本係嚴格禁止（亦係小編少數從無見過人犯規）。
不論買定租，日本單車都唔會裝有俾第二個人企響度既腳踏，此外除非俾合法合規裝設既BB椅，否則大人抱細路地踩單車都一樣唔得。
5. 不要並排行駛
其實幾個人並排行都一樣黑人憎，但踩單車時更要留意，唔好並排行駛。自己危險之餘亦會妨礙他人，想要避人避車時亦會增加風險。
6. 不要酒駕
相信無須多解釋，雖然響日本踩單車唔需要領牌，但為人為己切勿酒駕。
7. 不要單手踩車（不要分心）
響日本周不時會見到有人只放一隻手響馱盤，並唔係為左show quali，另一隻手係用左黎擔遮，或者響度玩電話。
前面都提過日本人視單車同私家車類同，雖然唔駛考牌但踩車時一樣唔應該分心，而且擔遮踩單車的話除時眼都插盲人。
此外近年亦多左唔好邊踩單車邊聽歌既不成文規定，過去聽音樂唔似得呢家咁方便，邊踩車邊聽歌的話就聽唔到周邊既聲音容易造成危險。
停放單車亦要小心！
單車當然同私家車一樣唔可以周圍停泊，而日本多數商店（不論餐廳、購物店等）都會備有單車暫泊處，俾你響「用餐、購物」期間使用，記得唔好長泊唔走人！
想要長時間（數小時、半天~數天）停泊的話，日本各處都設有收費單車停泊車，一般為取車時付費。要留意呢D泊車處通常有時間、日數上限，如果逾時的話可以會被人拖車。
停放單車亦要小心！
西日本瀨戶內海連接廣島縣尾道及愛媛縣今治市既「島波海道」被譽為世界上最美麗的單車騎行路線之一，全長約70公里係鍾意踩車、喜歡自然既朋友遊日本之選！
想要了解多D島波海道的話可以睇粹日本另一篇文章。想要踩完70km全程的話點可以唔好好休息？
IKIDANE最近就響島波海道中段開設左新既「IKIDANE CYCLIST HOSTEL & CAFE SHIMANAMI」，館內地面採用無梯級設計，房間內單車架讓你同愛車相伴。預約連結在此，想了解多D的話可以睇下特設宣傳影片⇓
發現文章有任何問題請話俾小編知☞ 回報表格
